U 2023‑m u Prazie raptoŭna pamior 35‑hadovy biełaruski žurnalist Anufryjenka. Byłaja kaleha kaža, što jaho mahli atrucić
U 2023 hodzie raptoŭna pamior pradziusar televizijnych vypuskaŭ navin i šef-redaktar infarmacyjnych prahram «Nastojaŝieho vriemieni» biełarus Aleh Anufryjenka. Tady paviedamlałasia, što pryčynaj stała «ciažkaja i niečakanaja chvaroba». Byłaja kaleha Aleha, rasijskaja žurnalistka Faryda Kurbanhalejeva, vykazvaje mierkavańnie, što mužčynu mahli atrucić.
Jak zhadvaje byłaja viadučaja prahramy «Viesti» na telekanale «Rośsija-1» Faryda Kurbanhalejeva ŭ intervju jutub-kanału Lubovi Sobal, z Aleham jany byli znajomyja pa sumiesnaj pracy ŭ Prazie na kanale «Nastojaŝieje vriemia» (prajekt «Radyjo Svaboda»). Na praciahu paŭtara hoda jany štodnia kamunikavali pa pracoŭnych pytańniach, a ich stały znachodzilisia pobač.
«Jon časta byŭ maim šef-redaktaram, vydavaŭ mianie ŭ efir. (…) Heta byŭ małady mužčyna bieź jakich-niebudź surjoznych zachvorvańniaŭ».
Pa słovach Kurbanhalejevaj, paśla jaje sychodu z kanała jany pierastali kamunikavać. A vosieńniu 2023 hoda adrazu niekalki čałaviek paviedamili joj pra toje, što zdaryłasia z Aleham.
«Jon staŭ skardzicca na toje, što ŭ jaho haryć skura, niejki śvierb niezrazumieły na rukach, jašče na niejkich častkach cieła. Jon chacieŭ schadzić da doktara. Ale stan byŭ nastolki ciažkim — vidać, nievynosnyja byli hetyja simptomy — što jon nie vytrymaŭ i vyklikaŭ chutkuju dapamohu»,
— pieradaje žurnalistka słovy kaleh.
Pa słovach Farydy, paśla špitalizacyi Anufryjenku ŭviali ŭ stan štučnaj komy, u jakoj jon prabyŭ paru tydniaŭ da samaj śmierci.
Žurnalistka davodzić, što ŭ Aleha «ŭziali analizy na ŭsie mahčymyja zachvorvańni — virusnyja, infiekcyjnyja, aŭtaimunnyja, jakija zaŭhodna — i nie znajšli ničoha». Paralelna razhladałasia i viersija ab atručvańni.
«Ja viedaju, što na «Radyjo Svaboda» prychodzili śpiecyjalisty ŭ kaściumach chimičnaj abarony, jakija brali niejkija analizy ź jaho pracoŭnaha miesca, mazki niejkija, abśledavali jaho kampjutar, za jakim jon siadzieŭ, stoł», — dzielicca byłaja kaleha.
V našiem bolšom razhovorie pro otravlenija oppozicii Farida Kurbanhalejeva podieliłaś strannoj istorijej, pro kotoruju ja lično ničieho nie znała rańšie. Dumaju, i vy mohli pro nieje nie słyšať, široko eto nie obsuždałoś. A zria.
V 2023 hodu skoropostižno umier Oleh Anufrijenko. On był… pic.twitter.com/z5fcp8fhQl
Pa jaje słovach, vyniki hetych ekśpiertyz dahetul zastajucca tajamnicaj.
Aleh Anufryjenka ŭ kancy 2010 hoda byŭ adličany z fakulteta žurnalistyki BDU za toje, što źniaŭsia ŭ ahitacyjnym roliku «Schavaj babulin pašpart». Na toj momant jon pracavaŭ na Biełteleradyjokampanii na kanale «ŁAD». Paśla pracavaŭ na Tut.by. Ź ciaham času pierajechaŭ u Čechiju, pracavaŭ na kanale «Nastojaŝieje vriemia».
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ32
Kamientary