Viktoryju Kulšu vyzvalali z hipsam na šyi: «Pierałom pazvankoŭ — heta vynik fizičnaha hvałtu ŭ kałonii»
Viktoryja Kulša była vyzvalena ź inšymi palitviaźniami 13 śniežnia minułaha hoda ź ciažkaj traŭmaj — pierałomam dvuch šyjnych pazvankoŭ, jaki jana atrymała ŭ žanočaj kałonii №24 (Zarečča). Praź nieabchodnaść nasić hipsavy harset žančyna paźbiahała fotakamier adrazu paśla pierasiačeńnia miažy, a na sam abmien jaje dastaŭlali niepasredna ź miedsančastki kałonii, kudy jana trapiła paśla terminovaj špitalizacyi. Što ź joju zdaryłasia, Viktoryju spytała «Novaja hazieta Jeŭropa».
Kali aŭtobusy sa 109 pasažyrami-palitviaźniami pierasiekli ŭkrainskuju miažu, kančatkovym punktam staŭ vajenny špital u Čarnihaŭskaj vobłaści. Viktoryja adrazu paprasiła miedykaŭ źniać ź jaje hips, piša vydańnie.
Ale ŭkrainskija daktary admovilisia: nie majučy na rukach vynikaŭ MRT i KT, jany nie mahli ŭziać na siabie takuju adkaznaść. I tady Viktoryja paprasiła susiedak pa pałacie dapamahčy joj.
Nažnicami ŭsie razam pa kavałačku jany zmahli razrezać, razłamać hipsavy harset.
Viktoryi prosta nie chaciełasia, kab jaje bačyli ŭ takim stanie.
Ciapier jana lečycca ŭ Polščy.
— Pierałom pazvankoŭ — nie vynik źbićcia. Ale heta vynik fizičnaha hvałtu ŭ kałonii. Inšych padrabiaznaściaŭ ja pakul raskazać nie mahu. Ale kali vy chočacie viedać, ci zaznavała ja źbićcio i fizičny hvałt na praciahu ŭsich piaci ź lišnim hadoŭ za kratami, — tak. I nie adzin raz. I nie tolki ja.
Pavodle jaje słoŭ, bjuć nie tolki palitviaźniaŭ i nie tolki supracoŭniki administracyi. Sami asudžanyja taksama lubiać raspraŭlacca z susiedkami pa atradzie.
— 68‑hadovuju palitviaźniu Alenu Hnauk supracoŭniki nie bili. Ale jaje bili žančyny z atrada, — kaža jana.
Jaje asudžanyja nie čapali. Ale bili supracoŭniki.
— Kali b ja ŭpała, to dabivali b nahami, — havoryć jana.
Ciapier čytajuć
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary