Toje, što adbyłosia na apošnim etapie palotu i stała pryčynaj avaryi, było niečakanym dla ekipaža, inakš jany b paviedamili pra heta», — kaža avijacyjny ekśpiert Vidas Kaŭpialis.
Pamiž hetymi niečakanaściami — adrazu paśla krušeńnia tydzień tamu — nielha vyklučać dyviersiju abo terarystyčny akt.
«My nie možam hetaha vyklučyć, ale, jak ja ŭžo skazaŭ, my nie možam rabić nijakich vysnoŭ, pra heta niama nijakaj infarmacyi», — tłumačyć Darus Jaŭniškis, kiraŭnik Departamienta dziaržaŭnaj biaśpieki.
Śledčyja padkreślivajuć, što vybuchu pierad padzieńniem samalota na ziamlu nie było.
I paśla pieršych intervju z vyžyłymi členami ekipaža viersija ab dyviersii stanovicca ŭsio mienš vierahodnaj.
«U ich taksama nie było nijakich bojazi, što ŭnutry niešta adbyvajecca — ci byŭ dym, chaos, pach čahości. Takich źviestak niama», — kaža Łaŭrynas Kaščunas, časovy ministr abarony.
Pieraškody GPS taksama małavierahodnyja, choć u tuju ranicu jany byli.
«GPS-suviaź, jakaja dla hetaha samalota nie patrebnaja, bo vykarystoŭvajecca inšaja sistema, u momant pasadki pracavała», — zapeŭnivaje Viłmantas Vitkaŭskas, kiraŭnik Centra kiravańnia kryzisnymi situacyjami.
Na hety momant viadziecca rasśledavańnie i pa fakcie nieaściarožnych pavodzin.
«Pieršapačatkova sabranaja infarmacyja nie pakazvała na nieabchodnaść rasśledavańnia bolš surjoznaha kryminalnaha złačynstva», — kaža Arturas Urbialis, prakuror Hienieralnaj prakuratury.
Kamientary