Apple можа здаць прыватныя даныя ўсіх сваіх карыстальнікаў у свеце спецслужбам Вялікабрытаніі. Гэта можа стаць небяспечным прэцэдэнтам
Брытанскія ўлады таемна запатрабавалі ад кампаніі Apple даць доступ да зашыфраваных рэзервовых копій iCloud усіх яе карыстальнікаў у свеце, што можа паставіць пад пагрозу ўсю іх канфідэнцыяльную інфармацыю. Прыкладам Брытаніі могуць скарыстацца іншыя краіны.
Паводле крыніц выдання The Washington Post, урад Вялікабрытаніі яшчэ ў снежні 2024 года выдаў кампаніі Apple так званы technical capability notice — тэхнічнае паведамленне аб неабходнасці забяспечыць доступ да прыватных даных. Патрабаванне не абмяжоўваецца канкрэтнымі карыстальнікамі, а ахоплівае ўсе зашыфраваныя файлы, загружаныя на iCloud з усяго свету з любых прылад Apple.
Сама кампанія Apple у выпадку падпарадкавання не зможа папярэджваць карыстальнікаў пра парушэнне бяспекі іх даных. Пры гэтым падача апеляцыі супраць патрабаванняў брытанскіх уладаў, паводле мясцовага заканадаўства, не спыняе выкананне загаду.
Самы лепшы з выхадаў абараніцца — гэта функцыя Advanced Data Protection, якую кампанія ўвяла ў 2022 годзе для iCloud. Яна дае канчатковае шыфраванне (end-to-end encryption) рэзервовых копій даных карыстальнікаў, што азначае, што нават сама Apple не зможа атрымаць да іх доступ. Аднак функцыя недаступная па змоўчанні — яе трэба ўручную ўключаць у наладах iCloud.
Для параўнання, Google прапануе аналагічнае канчатковае шыфраванне рэзервовых копій Android па змоўчанні з 2018 года, а WhatsApp ад Meta таксама дае карыстальнікам магчымасць захоўваць зашыфраваныя рэзервовыя копіі.
Чытайце таксама: Як надзейна вычысціць фоты з вашых смартфонаў — падрабязны гайд
Праблема з доступам урадаў да зашыфраваных даных не новая. Брытанскія ўлады ўжо неаднаразова выступалі супраць шыфравання, сцвярджаючы, што яно дапамагае тэрарыстам і злачынцам хавацца ад праваахоўнікаў.
Пры гэтым у снежні 2024 года амерыканскія спецслужбы, у тым ліку АНБ і ФБР, наадварот, далучыліся да рэкамендацый па максімальным выкарыстанні канчатковага шыфравання для абароны ад кіберпагроз, у першую чаргу з боку Кітая.
Калі Apple выканае патрабаванні Вялікабрытаніі, гэта можа стварыць прэцэдэнт: іншыя ўрады, уключаючы ЗША, Кітай, Расію, таксама могуць запатрабаваць сабе такі ж доступ. Гэта паставіць пад пагрозу бяспеку даных карыстальнікаў па ўсім свеце.
Расказваем, як абараніцца ад Pegasus і іншых вірусаў, якія могуць рассылаць спецслужбы
Раскрылі механізм, які ўжываюць спецслужбы розных краін для сачэння за карыстальнікамі. Расказваем, што за ён
«Забудзьцеся пра OSINT». Новая нейрасетка лакалізуе чалавека ці яго дом па фота знутры кватэры за секунды
Цяпер чытаюць
Зяленскі назваў, якія рэтранслятары на мяжы і беларускія прадпрыемствы хвалююць Украіну36
Каментары