У Беларусі можна ўзяць у арэнду самую сапраўдную партызанскую зямлянку. Цана пытання?
У Налібоцкай пушчы адкрылі першую інтэрактыўную партызанскую стаянку, дзе можна не толькі азнаёміцца з гісторыяй партызанскага руху ў пушчы, але і адчуць сябе сапраўдным партызанам, пераначаваўшы ў зямлянках.
Арэнда турыстычнага комплексу «Партызанскі рух Налібоцкай пушчы». Кошт — 1000 рублёў за суткі, паведамляе Мінлясгас у сваім тэлеграм-канале.
За гэтыя грошы гасцям прапануюць арандаваць увесь комплекс, у які ўваходзяць: некалькі зямлянак, партызанская сталоўка, вялікая пляцоўка для правядзення культурна-масавых мерапрыемстваў (з сцэнай і «глядзельнай залай» з вогнішчам для абагравання).
«Турыстычны комплекс выдатна падыходзіць для правядзення буйных культурна-масавых мерапрыемстваў. Антураж дазваляе цалкам акунуцца ў ваенную тэматыку», — распавёў начальнік аддзела паляўнічай гаспадаркі Мінлясгаса Аляксандр Казарэз.
Каментары