Шольц назваў жаданне Трампа абмяняць дапамогу Украіне на рэдказямельныя металы «эгаістычным»
Прэзідэнт ЗША Дональд Трамп заявіў, што хоча вылучыць умовы для працягу вайсковай і фінансавай падтрымкі Украіны: яна павінна пастаўляць ЗША каштоўную сыравіну. Федэральнаму канцлеру Германіі Олафу Шольцу гэтая патэнцыйная здзелка не падабаецца, піша Euronews.
Олаф Шольц асудзіў прапанову прэзідэнта ЗША Дональда Трампа звязаць далейшую вайсковую дапамогу Украіне з доступам да яе каштоўнай сыравіны.
Гэта было б «вельмі эгаістычна, вельмі эгацэнтрычна» — выкарыстоўваць рэсурсы краіны для фінансавання абаронных магчымасцяў, сказаў Шольц пасля нефармальнага саміту ЕС у Брусэлі 3 лютага.
Па словах нямецкага канцлера, якога цытуе Tagesschau, рэдказямельныя металы павінны быць выкарыстаныя для пасляваеннага аднаўлення Украіны.
«Гэта сур'ёзныя задачы, калі ўлічыць велізарныя разбурэнні. Таму рэсурсы краіны павінны быць выкарыстаныя для фінансавання ўсяго, што неабходна пасля завяршэння вайны», — падкрэсліў Шольц.
Напярэдадні Дональд Трамп заявіў, што хоча дамовіцца з Украінай аб доступе да рэдказямельных матэрыялаў, неабходных для вытворчасці смартфонаў, электрамабіляў і іншых высокатэхналагічных прадуктаў, у якасці ўмовы для працягу падтрымкі ЗША ў вайне супраць Расіі.
Кіеў, як выглядае, не супраць такога варыянту. Чалавек, блізкі да прэзідэнта Украіны Уладзіміра Зяленскага, паведаміў выданню Financial Times, што заўвагі Трампа «падобна, адпавядаюць «плану перамогі», прадстаўленаму яму восенню».
Ён сказаў таксама, што Украіна прапанавала Трампу «асаблівыя ўмовы» супрацоўніцтва па ключавых рэсурсах, адзначыўшы неабходнасць іх абароны ад Расіі і Ірана.
Цяпер чытаюць
Герой Беларусі Марына Васілеўская нарадзіла дачку ад касманаўта Алега Навіцкага44
Каментары
вот именно ЭТО называется эгоистичным и ЦИНИЧНЫМ..
за три года можно было дать всё, что нужно, тогда и сделок никаких не потребовалось...
трусливый хорёк...