Прэс-служба Беларускай чыгункі паведаміла, што на гродзенскім напрамку у цягнікоў сёння могуць быць затрымкі да дзвюх гадзін.
Паводле даных Беларускай чыгункі, 28 студзеня з-за тэхнічнай няспраўнасці гаспадарчага састава, якая ўзнікла пры правядзенні рамонтных работ на ўчастку Зэльва — Ваўкавыск, асобныя пасажырскія цягнікі на гэтым напрамку ідуць з адхіленнем ад графіка.
Так, цягнік № 680 Гродна-Віцебск, які адпраўляецца з Гродна ў 13:26, і цягнік № 6283 Баранавічы — Гродна адпраўленнем з Баранавічаў у 13:01 прыбудуць на канчатковыя станцыі з арыенціровачнай затрымкай ад 1,5 да 2 гадзін.
«Беларуская чыгунка прымае ўсе неабходныя меры па ліквідацыі няспраўнасці, аднаўленню графіка руху цягнікоў і дастаўцы пасажыраў у пункты прызначэння», — гаворыцца ў паведамленні.
На Беларускай чыгунцы прынеслі прабачэнні пасажырам за прычыненыя зрушэннем графіка нязручнасці.
Пазней магчымая затрымка цягнікоў № 680 «Гродна — Віцебск» і № 6283 «Баранавічы — Гродна» узрасла да 4 гадзін, а да прычынаў няштатнай сітуацыі дадалося тое, што 28 студзеня 2025 года ў 16:05 на рэгуляваным чыгуначным пераездзе ў Барысаве «адбылося сутыкненне грузавога цягніка з грузавым аўтамабілем DAF».
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос22
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5151
Каментары