Pres-słužba Biełaruskaj čyhunki paviedamiła, što na hrodzienskim napramku u ciahnikoŭ siońnia mohuć być zatrymki da dźviuch hadzin.
Pavodle danych Biełaruskaj čyhunki, 28 studzienia z-za techničnaj niaspraŭnaści haspadarčaha sastava, jakaja ŭźnikła pry praviadzieńni ramontnych rabot na ŭčastku Zelva — Vaŭkavysk, asobnyja pasažyrskija ciahniki na hetym napramku iduć z adchileńniem ad hrafika.
Tak, ciahnik № 680 Hrodna-Viciebsk, jaki adpraŭlajecca z Hrodna ŭ 13:26, i ciahnik № 6283 Baranavičy — Hrodna adpraŭleńniem z Baranavičaŭ u 13:01 prybuduć na kančatkovyja stancyi z aryjencirovačnaj zatrymkaj ad 1,5 da 2 hadzin.
«Biełaruskaja čyhunka prymaje ŭsie nieabchodnyja miery pa likvidacyi niaspraŭnaści, adnaŭleńniu hrafika ruchu ciahnikoŭ i dastaŭcy pasažyraŭ u punkty pryznačeńnia», — havorycca ŭ paviedamleńni.
Na Biełaruskaj čyhuncy prynieśli prabačeńni pasažyram za pryčynienyja zrušeńniem hrafika niazručnaści.
Paźniej mahčymaja zatrymka ciahnikoŭ № 680 «Hrodna — Viciebsk» i № 6283 «Baranavičy — Hrodna» uzrasła da 4 hadzin, a da pryčynaŭ niaštatnaj situacyi dadałosia toje, što 28 studzienia 2025 hoda ŭ 16:05 na rehulavanym čyhunačnym pierajeździe ŭ Barysavie «adbyłosia sutyknieńnie hruzavoha ciahnika z hruzavym aŭtamabilem DAF».
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki7
Kamientary