Вялікі пажар у віцебскім гандлёвым цэнтры «Беларусь» быў у пятніцу 13 снежня. Агонь не маглі патушыць больш за чатыры гадзіны.
Па словах кіраўніка Адміністрацыі Лукашэнкі Дзмітрыя Крутога, колькасць пацярпелых вырасла да 20 чалавек.
«16 непасрэдна ў дзень пажару і 4 чалавекі звярнуліся пасля па псіхалагічную дапамогу. Адна жанчына знаходзіцца ў рэанімацыі ў цяжкім стане. Удалося гэты стан стабілізаваць, але тым не менш яна на сённяшні дзень падключана да апарата ШВЛ. Былі накіраваны з рэспубліканскага ўзроўню, нашых цэнтраў адпаведныя брыгады таксіколагаў і рэаніматолагаў. Яны праводзяць усе адпаведныя працэдуры і забяспечваюць пратаколы лячэння.
Стан двух пацярпелых палепшаў, і іх жыццю нічога не пагражае, і мы спадзяемся ў хуткім часе іх перавесці ў звычайныя аддзяленні тэрапіі.
З дзяцей дзве пацярпелых дзяўчынкі — лёгкая форма. Яна падвярнула ножку, другую мы на ўсялякі выпадак паклалі ў рэанімацыю, але таксама ўжо перавялі ў педыятрычнае аддзяленне», — расказаў Круты БелТА.
Следчы камітэт распачаў крымінальную справу за парушэнні правілаў пажарнай бяспекі.
«Магчыма, кваліфікацыя будзе пашырана па меры паступлення ўсіх матэрыялаў і правядзення адпаведных экспертыз», — дадаў Круты.
Назва ад кінатэатра, выгляд ад аўтара віцебскай піраміды, на верхнім паверсе — дзеці. Што вядома пра гандлёвы цэнтр, які гарэў у Віцебску
Пажар у віцебскім гандлёвым цэнтры ліквідавалі, спатрэбілася чатыры з паловай гадзіны
«Некаторыя віцябляне паводзілі сябе вельмі годна». Сведкі пажару ў гандлёвым цэнтры падзяліліся ўражаннямі
У міліцэйскім конкурсе прыгажосці перамагла амапаўка, якая ў 2020 годе разганяла пратэсты49
Каментары