Što ciapier z paciarpiełymi na pažary ŭ viciebskim handlovym centry
Vialiki pažar u viciebskim handlovym centry «Biełaruś» byŭ u piatnicu 13 śniežnia. Ahoń nie mahli patušyć bolš za čatyry hadziny.
Pa słovach kiraŭnika Administracyi Łukašenki Dźmitryja Krutoha, kolkaść paciarpiełych vyrasła da 20 čałaviek.
«16 niepasredna ŭ dzień pažaru i 4 čałavieki źviarnulisia paśla pa psichałahičnuju dapamohu. Adna žančyna znachodzicca ŭ reanimacyi ŭ ciažkim stanie. Udałosia hety stan stabilizavać, ale tym nie mienš jana na siońniašni dzień padklučana da aparata ŠVŁ. Byli nakiravany z respublikanskaha ŭzroŭniu, našych centraŭ adpaviednyja bryhady taksikołahaŭ i reanimatołahaŭ. Jany pravodziać usie adpaviednyja pracedury i zabiaśpiečvajuć pratakoły lačeńnia.
Stan dvuch paciarpiełych palepšaŭ, i ich žyćciu ničoha nie pahražaje, i my spadziajemsia ŭ chutkim časie ich pieravieści ŭ zvyčajnyja adździaleńni terapii.
Ź dziaciej dźvie paciarpiełych dziaŭčynki — lohkaja forma. Jana padviarnuła nožku, druhuju my na ŭsialaki vypadak pakłali ŭ reanimacyju, ale taksama ŭžo pieraviali ŭ piedyjatryčnaje adździaleńnie», — raskazaŭ Kruty BiełTA.
Śledčy kamitet raspačaŭ kryminalnuju spravu za parušeńni praviłaŭ pažarnaj biaśpieki.
«Mahčyma, kvalifikacyja budzie pašyrana pa miery pastupleńnia ŭsich materyjałaŭ i praviadzieńnia adpaviednych ekśpiertyz», — dadaŭ Kruty.
Nazva ad kinateatra, vyhlad ad aŭtara viciebskaj piramidy, na vierchnim paviersie — dzieci. Što viadoma pra handlovy centr, jaki hareŭ u Viciebsku
Pažar u viciebskim handlovym centry likvidavali, spatrebiłasia čatyry z pałovaj hadziny
«Niekatoryja viciablanie pavodzili siabie vielmi hodna». Śviedki pažaru ŭ handlovym centry padzialilisia ŭražańniami
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ9
Kamientary