Pažar u viciebskim handlovym centry likvidavali, spatrebiłasia čatyry z pałovaj hadziny
Pažar u handlovym centry «Biełaruś» u Viciebsku likvidavali ŭ 20.51, paviedamlaje BiełTA. Takim čynam, na jaho likvidacyju spatrebiłasia amal 4 z pałovaj hadziny, bo zaharełasia kala 16:30.
Pažar u viciebskim handlovym centry «Biełaruś» na vulicy Hienierała Biełabarodava pačaŭsia kala pałovy piataj viečara ŭ piatnicu.
Paviedamlałasia, što ratavalniki evakujavali bolš za 200 čałaviek i prystupili da tušeńnia pažaru.
Z aficyjnych krynic viadoma, što ŭ Viciebskaj abłasnoj balnicy znachodziacca 6 paciarpiełych. Jašče adzin znachodzicca ŭ balnicy chutkaj miedycynskaj dapamohi. Troje sa špitalizavanych znachodziacca ŭ ciažkim stanie. Viadoma, što jašče troje čałaviek źviarnulisia ŭ miedycynskija ŭstanovy samastojna.
Pavodle viersii ratavalnikaŭ, było niekalki ačahoŭ uzharańnia. Pry hetym pra viersii čynoŭniki i supracoŭniki MNS pakul ničoha nie havorać.
Da budynka pryjechali miascovyja top-čynoŭniki, prachod da HC pierakryła milicyja.
Śviedčańniaŭ vidavočcaŭ pakul vielmi mała. Viadoma, što niekatoryja naviedvalniki HC padčas pažaru nie razhubilisia i, niahledziačy na niebiaśpieku, vyvodzili da apošniaha ludziej, jakija paśpieli spałochacca, nadychacca dymam i byli dezaryjentavanyja.
Pavietranaja himnastka pakazała zakuliśsie pracy ŭ Biełdziaržcyrku8
Kamientary
Vahniera?
FSB?