ГУБАЗіК пагражае Мікіту Мелказёраву — за грубыя словы пра Панамарэнку. А прапагандыст Казакоў заклікае расстраляць
Абурэнне выклікала тое, што Мелказёраў назваў партыйнага дзеяча часоў СССР Панцеляймона Панамарэнку «кавалкам лайна».
ГУБАЗіК пагражае блогеру Мікіту Мелказёраву. У сваім тэлеграм-канале сілавікі напісалі, што ператрусы і допыты родных журналіста Мелказёрава будуць праведзеныя з асаблівым стаўленнем.
Таксама яму пагражаюць «кватэрным пытаннем» — гэта калі ГУБАЗіК граміць кватэры людзей і здымае гэта на відэа.
Прапагандыст Кірыл Казакоў, намеснік генеральнага дырэктара агенцтва «Мінск-Навіны» і галоўны рэдактар газеты «Мінскі кур'ер», таксама накінуўся на блогера Мікіту Мелказёрава.
«Для такіх, як Мікіта Мелказёраў, мне падаецца, трэба ў індывідуальным парадку ўводзіць ваеннае становішча — і суд-тройка і расстрэл на месцы. Выключны спіс для такога гаўна трэба ўводзіць пры любой магчымасці знаходжання на тэрыторыі Беларусі.
Калі гэта жывёліна захоча калі-небудзь памяняць беларускі пашпарт, калі гэта жывёліна нарэшце захоча памяняць сабе зубы, калі проста гэта жывёліна нейкім чынам паспрабуе назваць сябе яшчэ беларусам, я ў прынцыпе гатовы выступіць адным з членаў гэтай тройкі для таго, каб асабіста гэту жывёліну зжыць са свету», — абразліва выказаўся Казакоў.
Ён заявіў, што сябры і знаёмыя блогера «павінны вырачыся гэтага чалавека публічна».
«Такіх людзей сапраўды трэба страляць», — паўтарыў Казакоў.
Такую рэакцыю выклікалі словы Мелказёрава з выпуску пра Панцеляймона Панамарэнку. Блогер назваў дзеяча «кавалкам лайна», бо той быў русіфікатарам. У лісце да Сталіна «О белорусском языке, литературе и писателях» Панамарэнка выступаў супраць беларускай мовы (Панамарэнка быў ураджэнцам Кубані), пісьменнікаў Янкі Купалы, Петруся Броўкі, Кандрата Крапівы і іншых.
Разам з тым, калі пасля Другой сусветнай вайны Сталін хацеў перадаць РСФСР Полацкую вобласць, Панамарэнка змог Полацк адстаяць і вобласць засталася ў складзе БССР.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос26
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары