У Буйнічах на Магілёўшчыне раптоўна памёр 17-гадовы навучэнец каледжа
У аграгарадку Буйнічы Магілёўскага раёна 21 верасня адбылася трагедыя: у інтэрнаце мясцовага агралесатэхнічнага каледжа памёр яго навучэнец, даведалася «Люстэрка».
Як стала вядома «Люстэрку», хлопцу было 17 гадоў (ягоныя імя і прозвішча рэдакцыі вядомыя, але не называюцца). Прычына смерці дагэтуль невядомая. Сваякі ўпэўненыя, што ён быў здаровы.
Паводле інфармацыі крыніцы, вечарам у пятніцу, 20 верасня, хлопец адчуваў сябе добра. Ён тэлефанаваў родным і казаў, што раніцай у суботу збіраецца з сябрам і суседам па пакоі на падпрацоўку.
«Паводле слоў сябра, ён спрабаваў пабудзіць яго ў 5:30 раніцы, але той сказаў, што будзе спаць, і не пайшоў на падпрацоўку. Увесь дзень хлопец не выходзіў на сувязь з маці, хоць звычайна тэлефанаваў ёй некалькі разоў, — расказвае крыніца. — Маці таксама спрабавала звязацца з ім цэлы дзень, але ён не адказваў».
Бліжэй да вечара сваякі хлопца пачалі хвалявацца.
«Каля 20:00 звязаліся з выкладчыкам і сказалі, што не могуць знайсці сына. Праз дзесяць хвілін ён ператэлефанаваў і паведаміў, што юнака знайшлі мёртвым у ложку», — паведаміў суразмоўца.
На наступны дзень сваякі прыехалі ў інтэрнат. Яны заўважылі, што рэчы хлопца былі раскіданыя, а некаторыя зніклі.
Дакладную прычыну раптоўнай смерці 17-гадовага хлопца сваякам не паведамілі. У пасведчанні аб смерці быў пазначаны код R99 — «іншыя неакрэсленыя і неўдакладненыя прычыны смерці» згодна з МКБ-10. Па факце смерці навучэнца праводзіцца праверка.
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй46
Каментары