U Bujničach na Mahiloŭščynie raptoŭna pamior 17-hadovy navučeniec kaledža
U ahraharadku Bujničy Mahiloŭskaha rajona 21 vieraśnia adbyłasia trahiedyja: u internacie miascovaha ahralesatechničnaha kaledža pamior jaho navučeniec, daviedałasia «Lusterka».
Jak stała viadoma «Lusterku», chłopcu było 17 hadoŭ (jahonyja imia i proźvišča redakcyi viadomyja, ale nie nazyvajucca). Pryčyna śmierci dahetul nieviadomaja. Svajaki ŭpeŭnienyja, što jon byŭ zdarovy.
Pavodle infarmacyi krynicy, viečaram u piatnicu, 20 vieraśnia, chłopiec adčuvaŭ siabie dobra. Jon telefanavaŭ rodnym i kazaŭ, što ranicaj u subotu źbirajecca ź siabram i susiedam pa pakoi na padpracoŭku.
«Pavodle słoŭ siabra, jon sprabavaŭ pabudzić jaho ŭ 5:30 ranicy, ale toj skazaŭ, što budzie spać, i nie pajšoŭ na padpracoŭku. Uvieś dzień chłopiec nie vychodziŭ na suviaź z maci, choć zvyčajna telefanavaŭ joj niekalki razoŭ, — raskazvaje krynica. — Maci taksama sprabavała źviazacca ź im ceły dzień, ale jon nie adkazvaŭ».
Bližej da viečara svajaki chłopca pačali chvalavacca.
«Kala 20:00 źviazalisia z vykładčykam i skazali, što nie mohuć znajści syna. Praź dziesiać chvilin jon pieratelefanavaŭ i paviedamiŭ, što junaka znajšli miortvym u łožku», — paviedamiŭ surazmoŭca.
Na nastupny dzień svajaki pryjechali ŭ internat. Jany zaŭvažyli, što rečy chłopca byli raskidanyja, a niekatoryja źnikli.
Dakładnuju pryčynu raptoŭnaj śmierci 17-hadovaha chłopca svajakam nie paviedamili. U paśviedčańni ab śmierci byŭ paznačany kod R99 — «inšyja nieakreślenyja i nieŭdakładnienyja pryčyny śmierci» zhodna z MKB-10. Pa fakcie śmierci navučenca pravodzicca pravierka.
Kamientary