«Нас было трое!» Егіпецкая фехтавальніца выступіла на Алімпіядзе на сёмым месяцы цяжарнасці
І Гульні ў Парыжы сталі для яе найлепшымі ў кар'еры.
Егіпецкая фехтавальніца Нада Хафез выступіла на Алімпіядзе-2024 у Парыжы на сёмым месяцы цяжарнасці.
26-гадовая спартсменка ўдзельнічала ў турніры шаблістак. Яна стартавала з 1/16 фіналу, дзе змагла перамагчы дзясятага нумара сусветнага рэйтынгу амерыканку Элізабет Тартакоўскі — 15:13.
У чвэрцьфінал Хафез прабіцца не змагла — яна саступіла прадстаўніцы Паўднёвай Карэі Ха Еун Чон (7: 15) і пакінула турнір.
Пасля паядынку Нада паведаміла, што фехтавала, будучы на сёмым месяцы цяжарнасці.
«На дарожцы нас насамрэч было трое! Гэта была я, мой супернік і маё ненароджанае дзіця!» — напісала спартсменка ў інстаграме.
Яна расказала, што сумяшчаць спорт і цяжарнасць было вельмі цяжка, але ёй дапамагла падтрымка мужа і ўсёй сям'і. Нада адзначыла, што вырашыла выступіць на Алімпіядзе на сёмым месяцы, каб паказаць усяму свету сілу і ўпартасць егіпецкай жанчыны.
Гэтая Алімпіяда стала для егіпцянкі найлепшай у кар'еры — да гэтага ў Рыа-2016 і Токіа-2021 яна прайгравала ў першых жа паядынках.
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію28
Каментары