Грамадства99

Музыку Ігара Банцара вызвалілі з-пад варты

Тэлеканал «Белсат» са спасылкай на Варшаўскую акруговую пракуратуру паведаміў, што ў дзеяннях беларуса Ігара Банцара, які ўчора прыйшоў са зброяй у Міністэрства сям’і, працы і сацыяльнай палітыкі, не выявілі прыкмет крымінальнага злачынства. Таму мужчына цяпер на волі.

Прэс-сакратар паліцэйскай камендатуры варшаўскага раёна Сьрудмесце Якуб Пацыняк паведаміў «Белсату»:

«Яго вызвалілі з-пад варты. У выніку допыту яго і сведкаў не было выяўлена крымінальнага следу. Праверка трывае, разглядаецца пытанне прыцягнення мужчыны да адміністрацыйнай адказнасці».

Нагадаем, што 16 ліпеня з будынка Міністэрства сям'і, працы і сацыяльнай палітыкі ў Варшаве эвакуявалі 150 чалавек, а прылеглую вуліцу ачапіла паліцыя. Прычынай стаў беларускі наведнік, у сумцы якога выявілі небяспечныя прадметы — газ, нож, тэлескапічную дубінку і, верагодна, шумавую зброю.

Паведамлялася ўчора, што мужчына паводзіў сябе спакойна і нікому не пагражаў. Аднак, агледзеўшы сумку, ахова будынка прыняла рашэнне выклікаць паліцыю. Таксама на месца інцыдэнту прыбыла пажарная служба. Мужчыну адвялі афіцэры, у будынку Міністэрства працавалі спецыяльныя службы.

Ігар часта насіў з сабой зброю, лічачы, што яна можа спатрэбіцца яму ў мэтах самаабароны. Раней яго ўжо затрымлівалі ў Польшчы.

Музыка і былы палітвязень Ігар Банцар — адна з легендаў Гродна. У верасні 2020 года мужчына здзейсніў перформанс — станцаваў без штаноў перад міліцэйскай машынай, за што атрымаў пазней паўтара года хіміі. Падчас зняволення Банцар трымаў працяглыя галадоўкі, 40 дзён прасядзеў у ШІЗА і прайшоў праз псіхіятрычную экспертызу ў Навінках.

Каментары9

  • Гродна 93
    17.07.2024
    Классная легенда! Станцавау без штаноу! Даешь его в пантэон к павуку и коушык. Пффф, брыдота.
  • Acab
    17.07.2024
    Насамрэч злачынства было, канешне. Завецца яно кіднэпінгам - выкраданьне і зьняволеньне чалавека.
    Каб выпраўдаць гэтае злачынства, тэрмінова шукаюць хоць ў цывільным кодэксе, які малюм прагібітум на Банцара нацягці
  • Я не я
    17.07.2024
    Гродна 93, раслумачце калі ласка ў чым жа тут брыдота? Лічу што адкрыта і наўмысна паказаць хер лукашыскім міліцаям - даволі мужны ўчынак. А ўлічваючы ў які час гэта зроблена - нават гераічны.

    Наконт газу ды нажоў - я разумею яго, бо Польшча на жаль поўніцца рускамірцамі і нападаў хапае (сам бачыў і сам быў біты, так што ведаю аб чым кажу), але ж канешне прыцягнуць торбу з такімі рэчамі у дзяржаўную ўстанову - гэта было глупства. Але ж тут ніякай "брыдоты". А калі вам тату, ці вобраз жыцця чалавека не падабаецца - ну прабачце, гэта праблемы вашае галавы. Ён нікому шкоды не робіць. Тут вы не адрозніваецеся ад лукашыстаў з іх саўкова-фашыскім мысьленьнем што ўсе павінны калёнамі хадзіць у аднолькавым шэрым адзеньні, аднолькава думаць толькі тое што "нармальна" і аднолькава паводзіць сябе.

Цяпер чытаюць

Як быць маладым бацькам у 66 гадоў, пра мару і пра новы альбом — у гутарцы з легендаю фолку Іванам Кірчуком1

Як быць маладым бацькам у 66 гадоў, пра мару і пра новы альбом — у гутарцы з легендаю фолку Іванам Кірчуком

Усе навіны →
Усе навіны

Расія і Украіна правялі чарговы абмен целамі загінулых вайскоўцаў. Ён ішоў праз Беларусь

«Раз'язджаліся проста па тратуарах». Каля новага стадыёна пасля матча адбыўся калапс2

Украінцы нанеслі ўдар высокадакладнымі снарадамі па базе расійскіх войскаў у Курскай вобласці ВІДЭА1

Спецслужбы выходзяць на кантакт з актывістамі праз фэйсбук: што вядома і як сябе абараніць1

Мінздароўя баіцца, што пакістанцы прывязуць у Беларусь ліхаманкі Крым-Конга і Чыкунгунья8

Відэа, у якім кіраўнік Крычава прасіў жыхароў ахвяраваць на прыпынкі, выдалілі пасля рэзанансу1

Ад 5 рублёў за штуку і букеты да 45 рублёў. На Камароўцы зацвілі півоні

На тэрыторыі Беларусі заблакавалі тыкток-каналы Ціханоўскай і Латушкі15

Латвія разварочвае пасажырскія аўтобусы і вяртае іх у Беларусь. Вось у чым прычына16

больш чытаных навін
больш лайканых навін

Як быць маладым бацькам у 66 гадоў, пра мару і пра новы альбом — у гутарцы з легендаю фолку Іванам Кірчуком1

Як быць маладым бацькам у 66 гадоў, пра мару і пра новы альбом — у гутарцы з легендаю фолку Іванам Кірчуком

Галоўнае
Усе навіны →

Заўвага:

 

 

 

 

Закрыць Паведаміць