Дзмітрый Кісялёў у эфіры расійскага ТБ прыгразіў ударам па вайсковым аэрадроме ў Польшчы
За нібыта збіццё Іл-76 над Белгарадскай вобласцю амерыканскай ракетай.
Ён агучыў афіцыйную расійскую версію аб тым, што самалёт у Белгарадскай вобласці быў збіты з сістэмы СПА «Пэтрыёт». Таксама ён сцвярджае, што ў той момант сістэмай кіравалі амерыканскія вайскоўцы (УСУ абвяргалі раней, што заходнія сістэмы СПА ва Украіне абслугоўваюць ваенныя краін НАТА), піша «Політіка страны»
«Уявім сабе люстраную сітуацыю: з тэрыторыі Мексікі расійскі афіцэр збівае расійскай ракетай амерыканскі ваенна-транспартны самалёт над тэрыторыяй ЗША. Якая рэакцыя?», — заяўляе Кісялёў.
Далей ён заявіў, што магчымым варыянтам адказу РФ можа быць удар па аэрадроме Жэшаў.
«Але дзе тады спыніцца і які механізм тармажэння? Калі засталіся толькі ваенна-тэхнічныя метады, то тады, як варыянт, польскі аэрадром Жэшуў, асноўная перавалачная база для заходняй зброі для Украіны, становіцца ўсё больш відавочнай мэтай. Але спачатку трэба ўсё ж папярэдзіць і усё вельмі выразна растлумачыць. Вось тым і займаемся. Межы ёсць», — заявіў Кісялёў.
***
Расійскі ваенна-транспартны самалёт Іл-76 разбіўся пад Белгародскай вобласцю 24 студзеня. Мінабароны РФ заявіла, што на борту самалёта знаходзіліся 65 украінскіх ваеннапалонных.
Ва Украіне сцвярджалі, што Масква не папярэдзіла аб перавозцы палонных гэтым бортам. СК завёў крымінальную справу аб тэракце, СБУ — аб парушэнні законаў і звычаяў вайны.
Кіеў папрасіў Маскву перадаць целы загінулых у катастрофе Іл-76
У Кіеве назвалі сапраўдным спіс палонных для абмену ў дзень крушэння Іл-76
Служба бяспекі Украіны адкрыла крымінальную справу па факце збіцця расійскага самалёта Іл-76
Зяленскі пракаментаваў крушэнне Іл-76 у Белгарадскай вобласці
Катастрофа Іл-76 пад Белгарадам: што сцвярджаюць Расія, Украіна і на якія пытанні пакуль няма адказаў
Цяпер чытаюць
Каментары