У Кіеве назвалі сапраўдным спіс палонных для абмену ў дзень крушэння Іл-76
Кіеў пацвердзіў, што 65 украінскіх ваеннапалонных з апублікаванага Сіманьян у дзень крушэння Іл-76 спісу павінны былі ўдзельнічаць у абмене.
Украінскі каардынацыйны штаб па пытаннях абыходжання з ваеннапалоннымі пацвердзіў, што 65 палонных са спісу, які пасля крушэння расійскага ваеннага самалёта Іл-76 апублікавала галоўная рэдактарка RT Маргарыта Сіманьян, сапраўды павінны былі ўдзельнічаць у абмене 24 студзеня. Пра гэта штаб паведаміў у фэйсбуку.
У публікацыі адзначаецца, што апытаныя сваякі ваеннапалонных з гэтага спісу, азнаёміўшыся з відэаматэрыяламі расейскага боку, на прадэманстраваных у іх фрагментах целаў не знайшлі прыкмет, якія паказвалі б на іх блізкіх.
Пасля публікацыі Сіманьян RTVI і некалькі ўкраінскіх СМІ паведамлялі, што 18 з 65 названых у спісе вайскоўцаў абмянялі 3 студзеня. Украінскі амбудсмен Дзмітрый Лубінец таксама распавёў Reuters, што некаторыя вайскоўцы з гэтага спісу ўжо былі абмененыя. Сіманьян назвала такія паведамленні ўкідам і заявіла, што ўкраінскі бок узгадніў спіс трыма днямі раней.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3030
Каментары