Dźmitryj Kisialoŭ u efiry rasijskaha TB pryhraziŭ udaram pa vajskovym aeradromie ŭ Polščy
Za nibyta źbićcio Ił-76 nad Biełharadskaj vobłaściu amierykanskaj rakietaj.
Jon ahučyŭ aficyjnuju rasijskuju viersiju ab tym, što samalot u Biełharadskaj vobłaści byŭ źbity ź sistemy SPA «Petryjot». Taksama jon śćviardžaje, što ŭ toj momant sistemaj kiravali amierykanskija vajskoŭcy (USU abviarhali raniej, što zachodnija sistemy SPA va Ukrainie absłuhoŭvajuć vajennyja krain NATA), piša «Politika strany»
«Ujavim sabie lustranuju situacyju: z terytoryi Mieksiki rasijski aficer źbivaje rasijskaj rakietaj amierykanski vajenna-transpartny samalot nad terytoryjaj ZŠA. Jakaja reakcyja?», — zajaŭlaje Kisialoŭ.
Dalej jon zajaviŭ, što mahčymym varyjantam adkazu RF moža być udar pa aeradromie Žešaŭ.
«Ale dzie tady spynicca i jaki miechanizm tarmažeńnia? Kali zastalisia tolki vajenna-techničnyja mietady, to tady, jak varyjant, polski aeradrom Žešuŭ, asnoŭnaja pieravałačnaja baza dla zachodniaj zbroi dla Ukrainy, stanovicca ŭsio bolš vidavočnaj metaj. Ale spačatku treba ŭsio ž papiaredzić i usio vielmi vyrazna rastłumačyć. Voś tym i zajmajemsia. Miežy jość», — zajaviŭ Kisialoŭ.
***
Rasijski vajenna-transpartny samalot Ił-76 raźbiŭsia pad Biełharodskaj vobłaściu 24 studzienia. Minabarony RF zajaviła, što na bortu samalota znachodzilisia 65 ukrainskich vajennapałonnych.
Va Ukrainie śćviardžali, što Maskva nie papiaredziła ab pieravozcy pałonnych hetym bortam. SK zavioŭ kryminalnuju spravu ab terakcie, SBU — ab parušeńni zakonaŭ i zvyčajaŭ vajny.
Kijeŭ paprasiŭ Maskvu pieradać cieły zahinułych u katastrofie Ił-76
U Kijevie nazvali sapraŭdnym śpis pałonnych dla abmienu ŭ dzień krušeńnia Ił-76
Słužba biaśpieki Ukrainy adkryła kryminalnuju spravu pa fakcie źbićcia rasijskaha samalota Ił-76
Zialenski prakamientavaŭ krušeńnie Ił-76 u Biełharadskaj vobłaści
Katastrofa Ił-76 pad Biełharadam: što śćviardžajuć Rasija, Ukraina i na jakija pytańni pakul niama adkazaŭ
Kamientary