Kijeŭ paprasiŭ Maskvu pieradać cieły zahinułych u katastrofie Ił-76
Ale nie atrymaŭ adkazu.
«Ukraina źviartałasia i praciahvaje źviartacca ab pieradačy cieł. Pakul rasijski bok na heta nie idzie. Tamu zastajecca aktualnym patrabavańnie našaj dziaržavy ab praviadzieńni biesstarońniaha mižnarodnaha rasśledavańnia nie tolki akaličnaściaŭ padzieńnia samalota Ił-76, a što na samoj spravie znachodziłasia ŭnutry — ci byli tam ludzi, ci byŭ tam bojekamplekt, chto tam znachodziŭsia, akramia ekipažu», — zajaviŭ pradstaŭnik Hałoŭnaha ŭpraŭleńnia raźviedki Minabarony Ukrainy Andrej Jusaŭ.
Jusaŭ adznačyŭ, što status 65 ukrainskich vajskoŭcaŭ, jakich Minabarony RF abviaściła zahinułymi, nie mianiaŭsia — jany da hetaha času ličacca vajennapałonnymi.
Rasijski vajenna-transpartny samalot Ił-76 raźbiŭsia pad Biełharodskaj vobłaściu 24 studzienia. Minabarony RF zajaviła, što na bortu samalota znachodzilisia 65 ukrainskich vajennapałonnych.
Va Ukrainie śćviardžali, što Maskva nie papiaredziła ab pieravozcy pałonnych hetym bortam. SK zavioŭ kryminalnuju spravu ab terakcie, SBU — ab parušeńni zakonaŭ i zvyčajaŭ vajny.
Ciapier čytajuć
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski11
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary