Спорт11

Швейцарыя хоча правесці самую танную Алімпіяду ў гісторыі

Звычайна Зімовую алімпіяду прымае адзін горад, гэтым разам у Швейцарыі прапануюць правесці Гульні па ўсёй краіне.

Курорт Санкт-Морыц з'яўляецца Мекай для аматараў зімовых відаў спорту. Фота: Robert Michael / picture alliance via Getty Images

Швейцарыя хоча правесці першыя зімовыя Алімпійскія Гульні на тэрыторыі ўсёй краіны. Яна таксама прапануе зрабіць гэтыя Гульні самымі таннымі за ўсю гісторыю, паведамляе «Еўрапейская праўда» са спасылкай на Bloomberg.

Звычайна Зімовыя гульні праводзяцца пэўным рэгіёнам або горадам, і яны вельмі дарагія. Расія патраціла на Сочынскую алімпіяду 11,5 млрд даляраў, афіцыйна бюджэт Алімпіяды ў Пекіне-2022 склаў 3,9 млрд даляраў, але, па ацэнках, траты былі куды большыя. Нават у 2002 годзе Солт-Лэйк-Сіці выдаткаваў на гульні 2,2 мільярда даляраў.

Спартыўныя федэрацыі Швейцарыі ў пятніцу аднагалосна ўхвалілі мясцовую заяўку, расчысціўшы шлях для прапановы 1,6 мільярда даляраў на Гульні 2030 года. З улікам інфляцыі, гэта зробіць Алімпіяду, магчыма, самай таннай у гісторыі — і самай рэнтабельнай з тых часоў, як Лос-Анджэлес атрымаў прыбытак у 1984 годзе.

Міністр фінансаў Францыі Бруна Ле Мэр таксама заявіў, што хоча, каб Летнія гульні 2024 года ў Парыжы былі самымі таннымі за апошнія дзесяцігоддзі, а дзяржава ўзяла на сябе толькі чвэрць выдаткаў на правядзенне мерапрыемства.

Хоць Швейцарыя прымае Міжнародны алімпійскі камітэт з 1915 года, а швейцарскаму курорту Санкт-Морыц прыпісваюць вынаходніцтва зімовага турызму, мясцовы скептыцызм сабатаваў прынамсі тры папярэднія заяўкі на правядзенне Зімовых гульняў.

Санкт-Морыц прымаў Гульні двойчы, але апошні раз гэта было яшчэ ў 1948 годзе.

Калі ў 2013 годзе з'явілася яшчэ адна заяўка на правядзенне Гульняў 2022 года ў Граўбюндэне, яна была адхіленая насцярожанымі грамадзянамі. Заяўка на правядзенне Гульняў 2026 года была зноў адхіленая тым жа кантонам у 2017 годзе, а праз год была адхіленая і спроба ў кантоне Вале.

Наступным летам МАК будзе выбіраць гаспадароў Зімовых гульняў 2030 і 2034 гадоў. Заяўка з двух французскіх альпійскіх рэгіёнаў карыстаецца падтрымкай прэзідэнта Эмануэля Макрона, а іншая заяўка, імаверна, будзе пададзена са Швецыі (часткова з Латвіяй).

У 2026 годзе Зімовая алімпіяда пройдзе ў італьянскіх Мілане і Карціне д'Ампеца.

Каментары1

  • Казік
    27.11.2023
    Адэкватныя жыхары, якім пляваць на панты і панаехаў

Цяпер чытаюць

Лукашэнка патлумачыў, чаму яго не відаць па серадах і суботах18

Лукашэнка патлумачыў, чаму яго не відаць па серадах і суботах

Усе навіны →
Усе навіны

Амерыканскі мільянер прыехаў у Польшчу, каб набыць футбольны клуб, і насмерць падавіўся варэнікам13

СБУ ўкараніла свайго агента ў маскоўскі офіс паплечніка Януковіча, які займаўся шпіянажам для ФСБ1

Важныя змены ў законе аб нерухомасці — яны тычацца рэгістрацыі маёмасці

Берасцейцы ў Гданьску ставяць рэкорды па абароце кантэйнераў1

Стала вядома, калі можна спадзявацца на хуткасную электрычку з Мінска ў аэрапорт1

У Францыі могуць заблакаваць Bluesky і Reddit, а Макрон увогуле за забарону сацсетак для дзяцей4

Гандлёвым сеткам будуць даваць ільготныя крэдыты для перадаплаты за агародніну2

Намеснік дырэктара Вялікага тэатра Беларусі — падпалкоўнік міліцыі3

Палітзняволенай Вікторыі Кульшы прысудзілі яшчэ адзін год зняволення2

больш чытаных навін
больш лайканых навін

Лукашэнка патлумачыў, чаму яго не відаць па серадах і суботах18

Лукашэнка патлумачыў, чаму яго не відаць па серадах і суботах

Галоўнае
Усе навіны →

Заўвага:

 

 

 

 

Закрыць Паведаміць