Трагедыя ў Англіі. Экс-гулец НХЛ памёр з-за страшнага парэзу шыі падчас матча
Хакеіст «Нотынгем Пантэрз» Адам Джонсан атрымаў моцную траўму ў выніку ўдару лязом канька па горле падчас матча чэмпіянату Англіі супраць «Шэфілд Стылерз», што прайшоў 28 кастрычніка, піша dailymail.co.uk.
Траўма Адама Джонсана была настолькі жудаснай, што прымусіла спыніць гульню і пакінула траўмаваных заўзятараў у слязах, піша выданне.
The Nottingham Panthers are truly devastated to announce that Adam Johnson has tragically passed away following a freak accident at the game in Sheffield last night. pic.twitter.com/lhSOkDu03Q
Форвард, знаходзячыся з шайбай на левым баку пляцоўкі ў чужой зоне, сутыкаецца з супернікам — хакеіст «Шэфілда» так падляцеў, што каньком крануў шыю Джонсана. Абодва апынуліся на лёдзе. Адам спрабуе падняцца, але зноў падае. Суддзя дапамагае хакеісту ўстаць.
«Нотынгем Пантэрз» спустошаныя: Адам Джонсан трагічна памёр у выніку жудаснага няшчаснага выпадку на матчы ў Шэфілдзе ўчора ўвечары. Клуб будзе вельмі сумаваць па ім і ніколі яго не забудзе.
Адам, наш нумар 47, быў не толькі выбітным хакеістам, але і выдатным таварышам па камандзе і неверагодным чалавекам, у якога ўсё жыццё было наперадзе. «Пантэрз» хацелі б выказаць нашы спачуванні сям'і Адама, яго дзяўчыне і ўсім сябрам у гэты надзвычай цяжкі час, нашы думкі з вамі.
Усё ў клубе, уключаючы гульцоў, персанал, кіраўніцтва і ўладальнікаў, забітыя горам весткай пра смерць Адама», — гаворыцца ў заяве клуба.
У EIHL заявілі, што «прыбітыя горам»: «думкі і спачуванні ўсіх, хто звязаны з Лігай, належаць сям'і, сябрам і таварышам па камандзе Адама ў гэты вельмі сумны час».
Хакеісту было 29 гадоў. За кар'еру ўраджэнец Мінесоты нават паспеў пагуляць у НХЛ. З 2018 да 2020 года амерыканец правёў 13 матчаў за «Пітсбург» і нават забіў адзін гол, дадаўшы да яго тры асісты. Мінулы год Адам правёў у Нямеччыне, у міжсезонне перабраўся ў Англію. Перад матчам з «Шэфілдам» Адам займаў трэцяе месца ў спісе найлепшых бамбардзіраў «Нотынгема», набраўшы 7 (4+3) балаў у сямі сустрэчах сезона.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс
Каментары