Удава хакеіста Руслана Салея паказала фота сваіх дарослых дзяцей
«Сям'я», — коратка падпісала фатаграфію ўдава славутага беларускага хакеіста Бетан Салей, заўважыла Blizko.by.
Руслан Салей, адзін з нямногіх беларускіх хакеістаў, які зрабіў бліскучую кар'еру ў Нацыянальнай хакейнай лізе, загінуў 7 верасня 2011 года ў авіякатастрофе. У гэты дзень каманда яраслаўскага «Лакаматыва», за які Салей тады гуляў, накіроўвалася ў Мінск на першы матч сезона КХЛ 2011/12 гадоў. Самалёт, у якім, апрача Салея, знаходзіліся яшчэ два беларусы — Мікалай Крываносаў і Сяргей Астапчук, пацярпеў крушэнне пасля ўзлёту ў аэрапорце «Тунашна». Загінулі 44 чалавекі.
У Амерыцы ў Руслана Салея засталася ўдава Бетан, дочкі Алексіс і Эйва, сын Сандра. Цяпер яны ўжо зусім дарослыя. Сын вельмі падобны да таты, і на майцы ў яго той жа самы нумар 24, што быў у бацькі…
У Суле адзначылі Купалле. Гасцей было столькі, што на дарогах утварыліся заторы6
Каментары