У Тайландзе абмяркоўваюць магчымасць увядзення новага збору для пасажыраў, якія пакідаюць краіну на самалёце. З кожнага авіяпасажыра прапануюць спаганяць 1000 батаў (каля 30 даляраў), незалежна ад грамадзянства. Калі ініцыятыву падтрымаюць, то яна закране і беларускіх турыстаў.
Грамадскае абмеркаванне прапановы пачалося 30 верасня і працягнецца да 29 кастрычніка 2026 года. Праект падрыхтаваў Дэпартамент даходаў Тайланда.
На першым этапе збор прапануюць устанавіць у памеры 1000 батаў, што паводле цяперашняга курсу складае каля 30 даляраў, за кожны вылет з Тайланда на самалёце. Плаціць яго павінны будуць усе пасажыры, якія не ўваходзяць у пералік выключэнняў.
Пры гэтым заканадаўства дазволіць у будучыні ўстанавіць збор да 5000 батаў, або прыкладна 149 даляраў, за адзін выезд, але пакуль гаворка ідзе толькі пра пачатковую стаўку ў 1000 батаў.
Для тых, хто пакідае Тайланд сухапутным або марскім транспартам, на першым этапе новы збор уводзіць не плануюць.
Асобна плаціць у аэрапорце таксама не спатрэбіцца. Паводле праекта, збор будуць уключаць непасрэдна ў кошт авіябілета. Яго павінны будуць спаганяць авіякампаніі або прадаўцы квіткоў адначасова з аплатай пералёту. Такім чынам, для большасці турыстаў ён будзе выглядаць як яшчэ адна складовая частка кошту зваротнага квітка.
Прадугледжаныя і выключэнні. Ад збору прапануюць вызваліць дзяцей ва ўзросце да двух гадоў, некаторых транзітных пасажыраў, якія не пакідаюць спецыяльную транзітную зону аэрапорта, экіпажы паветраных суднаў і некаторыя іншыя катэгорыі.
Тайланд застаецца папулярным напрамкам зімовага адпачынку для беларусаў, якія едуць туды дзеля цёплага мора, пляжаў і магчымасці правесці зіму ў азіяцкім клімаце. Калі новы збор увядуць, для сямейных падарожжаў ён будзе адчувальным дадатковым выдаткам.
Напрыклад, сям’я з двух дарослых і двух дзяцей старэйшых за два гады заплаціць дадаткова 4000 батаў, або каля 119 даляраў, за адзін вылет з Тайланда. Калі падарожнічаюць двое дарослых і дзіця да двух гадоў, якое вызваляецца ад збору, дадатковы плацёж складзе 2000 батаў, або каля 60 даляраў.
Пакуль турыстам нічога даплачваць не трэба, бо праект знаходзіцца толькі на стадыі грамадскага абмеркавання і яшчэ можа змяніцца. Калі закон прымуць, ён павінен уступіць у сілу праз 180 дзён пасля афіцыйнага апублікавання. Пры гэтым ад збору прапануюць вызваляць пасажыраў, якія набылі авіяквіткі яшчэ да ўступлення новых правілаў у сілу, нават калі сам вылет адбудзецца пазней.
Урад Тайланда ўхваліў скарачэнне тэрміну бязвізавага рэжыму да 30 дзён для грамадзян больш чым 90 краін
«Бангкок лепшы за Лондан». Як беларуска пераехала ў Тайланд і будуе там бізнэс
Тайланд хоча абавязаць турыстаў афармляць страхоўку перад уездам у краіну
9 краін, якія варта наведаць беларусам у гэтым годзе. Парады ад падарожніка
Цяпер чытаюць
«Я зарабляла на OnlyFans $2000‑3000 на месяц». Беларуска расказала, як стала здымаць кантэнт для дарослых і чаму па-ранейшаму жыве без сэксу1
«Я зарабляла на OnlyFans $2000‑3000 на месяц». Беларуска расказала, як стала здымаць кантэнт для дарослых і чаму па-ранейшаму жыве без сэксу
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку4747
Каментары
КОгда нибудь туристы найдут себе цели с менее наглыми и жадными хозяевами, и будут эти обнаглевшие уже не поборы вводить, а снова деньги в рекламу вносить, чтобы снова привлечь туристов