Пракуратура Гродна паведаміла пра вынік крымінальнай справы 50‑гадовага мінчука, якога прызналі вінаватым у атрыманні хабару ў асабліва буйным памеры.
З лютага 2024 года па май 2025 года мужчына, які ўзначальваў адно са структурных падраздзяленняў Мінгарвыканкама, неаднаразова атрымліваў ад прадстаўніка камерцыйнай арганізацыі хабар. Гаворка ішла пра грошы, будаўнічыя матэрыялы, а таксама бясплатныя аздобныя работы ў ягоным доме.
Узамен чыноўнік павінен быў арганізоўваць і забяспечваць закупкі абсталявання для ўстаноў аховы здароўя менавіта ў гэтай камерцыйнай структуры, а таксама спрыяць выдзяленню на гэтыя закупкі бюджэтных сродкаў.
За год ён атрымаў такім чынам больш за 40 тысяч рублёў.
Суд, улічыўшы доказы, прадстаўленыя дзяржаўным абвінаваўцам, вынес абвінаваўчы прысуд. Мужчыну прызначылі восем гадоў пазбаўлення волі з адбываннем пакарання ў папраўчай калоніі ва ўмовах узмоцненага рэжыму.
Акрамя таго, ён павінен выплаціць штраф у памеры 600 базавых велічыняў — 27 тысяч рублёў. На пяць гадоў яму забаронена займаць пасады, звязаныя з выкананнем арганізацыйна-распарадчых і адміністрацыйна-гаспадарчых абавязкаў, а таксама здзяйсненнем юрыдычна значных дзеянняў. Суд таксама пазбавіў яго звання «маёр медыцынскай службы запасу».
Былому гендырэктару Гродзенскага мясакамбіната далі сем гадоў калоніі
Дырэктара «Камунаркі» асудзілі на сем гадоў за карупцыю
Называўся супрацоўнікам КДБ і не толькі. Затрымалі супрацоўніка крамы алкаголю, які браў хабар як сілавік
Арыштаваны міністр прыродных рэсурсаў выбраў «стратэгію Брыло»
Былы кіраўнік Службы бяспекі Лукашэнкі прадаў катэдж у Драздах за $1,2 мільёна
Цяпер чытаюць
Беларускія рэпетытары ў паніцы: праз праблемы «Яндэкса» яны могуць страціць матэрыялы, якія напрацоўвалі гадамі14
Каментары