Таксама міністр замежных спраў Расіі ўпэўнены, што Уладзіміру Зяленскаму не патрэбныя выбары, бо для іх правядзення ён высунуў непрымальныя ўмовы.
Уладзімір Зяленскі сваёй рэакцыяй на дызельную здзелку Масквы і Вашынгтона кідае прамы выклік прэзідэнту ЗША Дональду Трампу. Пра гэта заявіў міністр замежных спраў Расіі Сяргей Лаўроў журналістам у Баку, піша ТАСС.
Кіраўнік МЗС РФ адзначыў, што Зяленскі ў адказ працягвае прасіць больш узбраенняў для ўдараў па Расіі.
«Гэта прамы выклік, прычым грубы, у адрас прэзідэнта Трампа, які актыўна падтрымліваў гэтую здзелку і неаднаразова публічна выказваўся пра гэта, — звярнуў увагу Лаўроў. — На маю думку, усё гэта ўжо разумеюць і цалкам усведамляюць, што падобныя паводзіны сталі звычайнымі для спадара Зяленскага, які лічыць, што ўвесь свет яму нешта павінен, а сам ён нікому нічога не абавязаны рабіць наўзамен і не гатовы ісці ні на якія канструктыўныя дзеянні, якія былі б па-сапраўднаму сумленнымі і раўнапраўнымі».
Таксама Сяргей Лаўроў упэўнены, што Уладзіміру Зяленскаму не патрэбныя выбары, бо для іх правядзення ён высунуў непрымальныя ўмовы.
«Спадар Зяленскі ўжо выразна даў зразумець, што выбары яго не цікавяць, бо ён абставіў іх такімі ўмовамі, якія загадзя непрымальныя», — сказаў кіраўнік МЗС РФ.
На пытанне, ці гатовая Масква пайсці на саступкі, калі прэзідэнцкія выбары ва Украіне ўсё ж адбудуцца, Лаўроў заўважыў: «Мы не будзем гадаць».
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь3
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары