Здароўе22

Даследаванне паказвае, што папяровыя кубачкі таксама шкодныя для навакольнага асяроддзя

У апошнія гады многія сеткі грамадскага харчавання замянілі аднаразовыя кубачкі з пластыка на папяровыя, каб пазбегнуць забруджвання пластыкам і яго назапашвання на сметніках. Але паводле апошніх даследаванняў і папяровы кубачак, з якім мы адчуваем сябе адказней, выходзячы з кавярні, таксама не спрыяе экалогіі і здароўю.

Фота: vecteezy

Даследаванне, апублікаванае ў жніўні ў часопісе Environmental Pollution, паказвае, як папяровыя кубачкі могуць вылучаць таксічныя рэчывы ў навакольнае асяроддзе. Гэта адбываецца таму, што папяровыя кубачкі часта пакрываюцца слоем полімалочнай кіслаты, інакш вядомай як PLA (polylactic acid), якая пазіцыянуецца і рэкламуецца як біяпластык ці біяраскладальная альтэрнатыва традыцыйнаму пластыку.

Даследчыкі з Універсітэта Гётэборга вырашылі праверыць уздзеянне як пластыкавых, так і папяровых кубачкаў на навакольнае асяроддзе і пратэставалі іх на лічынках мошак. Абодва тыпы кубкаў ставілі ў ваду ці ў асадкавыя пароды на тэрмін да чатырох тыдняў, а затым у акварыумы з гэтымі рэчывамі змяшчалі мошак. Забруджаныя пароды і ваду даследавалі асобна.

У выніку даследчыкі выявілі, што праблемы з ростам і затрымкі ў развіцці насякомых назіраліся ўжо пасля аднаго тыдня вылучэнняў таксічных рэчываў у тэставае асяроддзе. З цягам часу негатыўныя наступствы толькі ўзмацняліся. Такім чынам была зроблена выснова, што хоць PLA сапраўды разбураецца хутчэй, чым традыцыйны пластык на аснове выкапнёвага паліва, але ён не нашмат бяспечнейшы.

Біяпластыкі не разбураюцца эфектыўна, калі трапляюць у навакольнае асяроддзе, у прыватнасці ў ваду, і змяшчаюць прынамсі столькі ж хімікатаў, колькі і звычайны пластык, кажуць аўтары даследавання. Іншыя папярэднія даследаванні паказалі, што пластыкавае пакрыццё ў папяровых кубачках таксама можа ствараць мікрапластык, які трапляе ў вадкасць у кубку.

Gizmodo піша пра эксперымент 2019 года, калі даследчая група з Індыі напоўніла папяровыя кубачкі гарачай вадой і выявіла, што праз 15 хвілін у кубку аб'ёмам 100 мл было каля 25 000 мікрачасціц. А пра жахлівае ўздеянне на арганізм жывых істот мікрапластыка, які можа трапляць у самыя розныя органы (у тым ліку мозг, ныркі і лёгкія), мы пісалі зусім нядаўна.

Даследчыкі заявілі, што адным з найлепшых спосабаў пазбегнуць распаўсюджвання пластыкавых таксінаў і мікрапластыку будзе поўная адмова ад аднаразовых прадметаў, якія масава з'явіліся на рынку пасля Другой сусветнай вайны. Людзі звыклі бяздумна купляць і выкідаць самыя розныя рэчы. Цяпер нам трэба вярнуцца і адысці ад аднаразовага ладу жыцця, кажуць навукоўцы.

Чытайце таксама:

Мікрапластык можа трапляць у мозг і выклікаць змены ў паводзінах — новае даследаванне

«Экалагічна чыстыя» саломінкі ўтрымліваюць патэнцыйна таксічныя хімічныя рэчывы, якія ўяўляюць пагрозу для людзей і дзікай прыроды

Мікрапластык — адна з галоўных пагроз здароўю ў XXI стагоддзі. Але навукоўцы знайшлі рашэнне

Каментары2

  • хамса
    16.09.2023
    "поўная адмова ад аднаразовых прадметаў, якія масава з'явіліся на рынку пасля Другой сусветнай вайны. Людзі звыклі бяздумна купляць і выкідаць самыя розныя рэчы. Цяпер нам трэба вярнуцца і адысці ад аднаразовага ладу жыцця, кажуць навукоўцы"

    дакладна так. але як гэта ў масе зрабіць? як масе людзей прывіць экалагічнае спажыванне, калі яны разбэшчаны суперспажываннем? 
  • гоблен
    16.09.2023
    Ля, вам не угодишь) ИНХ, верните пластиковые, умоляю

Цяпер чытаюць

«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе65

«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе

Усе навіны →
Усе навіны

Смерць удовам. Археолаг расказаў пра знаходку, якая сведчыць пра жудасны звычай першых славян на Беларусі31

Бум на матчу па ўсім свеце: попыт расце, запасы змяншаюцца5

Пяць парад, як проста пазбавіцца ад паху і плям поту на адзенні3

Расіяне тры гадзіны білі па Харкаве КАБамі, балістыкай і шахедамі. Здзейснена камбінаваная атака на Дняпро2

«Купалаўцы» анансавалі пачатак новага тэатральнага сезона1

Пасажырка «не ўклалася ў таймінг» падчас санітарнага прыпынку — міжнародны аўтобус паехаў без яе5

Стаў вядомы лёс збеглых дзікабразаў у Рэчыцкім раёне2

Берасцеец увозіў у Польшчу бярозавае палена. Аказалася, гэта костка маманта2

Выдаліў акаўнт, пачысціў тэхніку — і ўсё адно прыйшлі. Мікіта Лосік расказаў, як яго вылічылі сілавікі25

больш чытаных навін
больш лайканых навін

«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе65

«Забіць яго ці адрэзаць яму яйцы я не рашыўся». Падрабязнасці трагедыі ў Гданьску, дзе ваяр катаваў бойфрэнда, а пасля забіў сябе

Галоўнае
Усе навіны →

Заўвага:

 

 

 

 

Закрыць Паведаміць