Па суме двух матчаў жодзінцы прайгралі кіпрскаму АЕКу ў 2-м кваліфікацыйным раўндзе Лігі канферэнцый.
Тыдзень таму «Тарпеда-БелАЗ» прайграла ў Венгрыі 2:3, а сёння на Кіпры была нічыя 1:1, прычым абодва галы былі забітыя ў дададзены час.
У наступны раўнд ідуць кіпрыёты.
Такім чынам, у Беларусі ў еўракубках застаецца два клубы.
У трэцім кваліфікацыйным раўндзе Лігі Еўропы БАТЭ згуляе з малдоўскім «Шэрыфам», які прайграў «Макабі» (Хайфа) (1:0 выйграў у Ціраспалі, 1:4 прайграў у Ізраілі).
БАТЭ гуляў з «Шэрыфам» у групавым турніры Лігі Еўропы ў 2010 годзе і двойчы перамог: у Ціраспалі 1:0 і Мінску 3:1.
А «Нёман» у трэцім кваліфікацыйным раўндзе Лігі канферэнцый згуляе з пераможцам пары «Віторыя Гімарайнш» (Партугалія) — «Цэле» (Славенія). Гэты супернік вызначыцца заўтра.
Матчы трэцяй стадыі ўжо на наступным тыдні.
Беларускія клубы свае хатнія матчы праводзяць на нейтральным полі і без гледачоў.
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў25
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары