Міністр юстыцыі Беларусі Сяргей Хаменка плануе днямі ўручыць дакумент аб перарэгістрацыі партыі лідару Рэспубліканскай партыі працы і справядлівасці (РППС) Аляксандру Хіжняку, паведамілі Sputnik у прэс-службе Мінюста.
Пазачарговы з'езд партыі РППС
«Гэтая палітычная партыя адпавядае ўсім патрабаванням, устаноўленым у новай рэдакцыі Закона Рэспублікі Беларусь «Аб палітычных партыях», — лічаць у міністэрстве.
Раней Мінюст перарэгістраваў Ліберальна-дэмакратычную партыю (ЛДП) і Камуністычную партыю Беларусі (КПБ). Яшчэ раней рэгістрацыю прайшла новая партыя, створаная ў сакавіку на базе пралукашэнкаўскай арганізацыі «Белая Русь». Яе афіцыйная назва — «Беларуская партыя «Белая Русь».
Цяпер у Беларусі чатыры партыі: «Белая Русь», ЛДП, КПБ і РППС. Усе яны — пралукашэнкаўскія.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары