Дзяржкантроль узяўся за пінскі «Хіт! Экспрэс» і брэсцкі «Еўраопт»
У крамах выявілі парушэнні.
Фота тут і далей: Камітэт дзяржкантролю
Камітэт дзяржкантролю звярнуў увагу на брэсцкі «Еўраопт» і выявіў праблемы ў мясным цэху. Гаворка пра краму на вул. Вясёлкавай.
Там выявілі наступныя факты парушэнняў патрабаванняў заканадаўства:
- астуджанае мяса свініны ў паўтушах дастаўлялася ў гандлёвы аб'ект навалам, а не ў падвешаным стане;
- у першасных уліковых дакументах ўтрымліваліся недакладныя звесткі аб ступені раздзелкі мяса (замест паўтушы пазначалася чвэртка) і часу паступлення;
- не выконваліся тэмпературныя рэжымы і ўмовы пры яго захоўванні;
- вытворчыя памяшканні, у тым ліку халадзільныя камеры, не ўтрымліваліся ў чысціні (на падлозе сляды забруджванняў, разводаў, рэшткаў харчовай прадукцыі);
- у асобных камерах захоўвання адсутнічаў свабодны праход па прычыне загрувашчвання прадукцыяй.
Таксама парушэнні выявілі ў краме «Хіт! Экспрэс» у Пінску: у гандлёвай зале тэмпература, большая за 24 градусы, перавышала ўстаноўленыя нормы захоўвання і рэалізацыі шырокага асартыменту тавараў (кандытарскія вырабы, рыбныя кансервы, сухафрукты і іншыя).
За грубыя парушэнні заканадаўства дзейнасць мяснога цэха гіпермаркета «Еўраопт» на вул. Вясёлкавай у г. Брэсце і крамы «Хіт! Экспрэс» у Пінску прыпыненая да ліквідацыі парушэнняў. На больш чым 2000 кг харчовай прадукцыі вынесеныя прадпісанні аб канфіскацыі.
«Размаўляў увесь час па-беларуску». Павел Севярынец запісаў свой першы зварот пасля вызвалення18
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары