Dziaržkantrol uziaŭsia za pinski «Chit! Ekspres» i brescki «Jeŭraopt»
U kramach vyjavili parušeńni.
Kamitet dziaržkantrolu źviarnuŭ uvahu na brescki «Jeŭraopt» i vyjaviŭ prablemy ŭ miasnym cechu. Havorka pra kramu na vuł. Viasiołkavaj.
Tam vyjavili nastupnyja fakty parušeńniaŭ patrabavańniaŭ zakanadaŭstva:
- astudžanaje miasa śvininy ŭ paŭtušach dastaŭlałasia ŭ handlovy abjekt navałam, a nie ŭ padviešanym stanie;
- u pieršasnych ulikovych dakumientach ŭtrymlivalisia niedakładnyja źviestki ab stupieni raździełki miasa (zamiest paŭtušy paznačałasia čvertka) i času pastupleńnia;
- nie vykonvalisia tempieraturnyja režymy i ŭmovy pry jaho zachoŭvańni;
- vytvorčyja pamiaškańni, u tym liku chaładzilnyja kamiery, nie ŭtrymlivalisia ŭ čyścini (na padłozie ślady zabrudžvańniaŭ, razvodaŭ, reštkaŭ charčovaj pradukcyi);
- u asobnych kamierach zachoŭvańnia adsutničaŭ svabodny prachod pa pryčynie zahruvaščvańnia pradukcyjaj.
Taksama parušeńni vyjavili ŭ kramie «Chit! Ekspres» u Pinsku: u handlovaj zale tempieratura, bolšaja za 24 hradusy, pieravyšała ŭstanoŭlenyja normy zachoŭvańnia i realizacyi šyrokaha asartymientu tavaraŭ (kandytarskija vyraby, rybnyja kansiervy, suchafrukty i inšyja).
Za hrubyja parušeńni zakanadaŭstva dziejnaść miasnoha cecha hipiermarkieta «Jeŭraopt» na vuł. Viasiołkavaj u h. Breście i kramy «Chit! Ekspres» u Pinsku prypynienaja da likvidacyi parušeńniaŭ. Na bolš čym 2000 kh charčovaj pradukcyi vyniesienyja pradpisańni ab kanfiskacyi.
-
«Paŭstańnia takich pamieraŭ u Biełarusi nikoli nie było». Historyk raskazaŭ, čym unikalny 2020-ty i što my voźmiem ź jaho na budučyniu
-
Biełaruski režysior raskazaŭ, jak u maładości paznajomiŭsia ŭ ZŠA z adnym z samych upłyvovych ukraincaŭ
-
Multykompleks kala Kamaroŭskaha rynku ŭ Minsku płanujuć dabudavać u 2026 hodzie
Ciapier čytajuć
«Paŭstańnia takich pamieraŭ u Biełarusi nikoli nie było». Historyk raskazaŭ, čym unikalny 2020-ty i što my voźmiem ź jaho na budučyniu11
Kamientary