Міністэрства абароны Расіі прызнала, што бомбу на расійскі абласны цэнтр Белгарад скінуў расійскі самалёт.

«Увечары 20 красавіка пры выкананні палёту самалёта Су-34 ВКС над горадам Белгарад адбыўся няштатны сход авіяцыйнага боепрыпасу. Ёсць пашкоджанні жылых будынкаў, ахвяр няма. Праводзіцца расследаванне», — гаворыцца ў заяве Міністэрства абароны Расіі.
Які менавіта снарад упаў з расійскага самалёта на Белгарад, ведамства не ўдакладняе.
Губернатар Белгародскай вобласці Вячаслаў Гладкоў паведаміў, што два чалавекі ў выніку гэтага атрымалі раненні.
«Жанчына з чэрапна-мазгавой траўмай у стане сярэдняй ступені цяжкасці дастаўлена ў гарадскую бальніцу №2. Другая жанчына з драпінамі ад шпіталізацыі адмовілася, уся неабходная медыцынская дапамога аказаная на месцы», — напісаў Гладкоў.
Акрамя таго, паводле белгарадскага губернатара, былі пашкоджаныя чатыры кватэры шматкватэрнага дома па вуліцы Шаландзіна і чатыры аўтамабілі.
Цяпер чытаюць
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю
Каментары