У Новай Зеландыі хацелі зладзіць дзіцячы турнір па адстрэле бяздомных катоў, але ўрэшце ўсё адмянілі
У папярэднія гады падобныя паляванні вяліся на дзікіх свіней і зайцоў.
У Новай Зеландыі хацелі зладзіць дзіцячае паляванне на бяздомных катоў з узнагародай за колькасць забойстваў. Турнір у выніку адмянілі з-за дзікага абурэння зоаабаронцаў.
Пра гэта напісала агенцтва Бі-бі-сі.
Мерапрыемства першапачаткова было арганізавана супольнасцю «North Canterbury Hunting Competition» («Паўночна-Кентэрберыйскае спаборніцтва па паляванні») у рамках штогадовага збору сродкаў для патрэб адной з мясцовых школ. У гэтых спаборніцтвах звычайна бяруць удзел сотні дзяцей ва ўзросце да 14 гадоў.
Як адзначае агенцтва, у папярэднія гады падобныя паляванні вяліся на дзікіх свіней, аленяў і зайцоў. Але ў гэты раз размова пайшла аб бяздомных катах, за забойства якіх маленькім дзецям была нават прадугледжана грашовая ўзнагарода.
«Дзецям загадалі не забіваць хатніх жывёл, але ў іншым выпадку іх заахвочвалі забіваць як мага больш дзікіх катоў за грашовы прыз. Дзіця, якое б забіла падчас конкурсу большую колькасць катоў, атрымала б у якасці ўзнагароды 155 даляраў», — піша Бі-бі-сі.
Арганізатары мерапрыемства і некаторыя мясцовыя жыхары тлумачылі неабходнасць адстрэльваць бяздомных катоў тым, што яны пераносяць сур'ёзныя інфекцыі і нясуць пагрозу біяразнастайнасці ў Новай Зеландыі.
Паводле афіцыйных крыніц, дзікія каты кожны год знішчаюць больш за мільён мясцовых птушак і звыш 10 мільёнаў іншаземных птушак. Яны таксама маюць дачыненне да масавага знікнення кажаноў, яшчарак і жаб. Акрамя гэтага, бяздомныя каты становяцца разносчыкамі таксаплазмоза — сур'ёзнага захворвання, якое наўпрост пагражае авечкагадоўлі ў краіне.
Аднак рашэнне аб правядзенні масавага дзіцячага палявання на бяздомных катоў выклікала сур'ёзную занепакоенасць і асуджэнне з боку зоаабарончых арганізацый. На іх думку, гэта ўкараніць у дзецях імкненне прычыняць гвалт у дачыненні да любых жывёл, і асабліва да хатніх.
«Многія дзеці не змогуць адрозніць дзікага ката ад напалоханага і ні ў чым не вінаватага хатняга. Мы павінны вучыць нашых дзяцей эмпатыі да жывёл, а не даваць ім інструменты для іх забойства», — заявіў прэс-сакратар Safe, мясцовай дабрачыннай арганізацыі па абароне жывёл.
У выніку падобных зваротаў зоаабаронцаў, арганізатары турніру па паляванні былі вымушаны адмяніць мерапрыемства. Яны афіцыйна папрасілі прабачэння ў тых, каго падобная ініцыятыва магла закрануць за жывое.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ3
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»2929
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»29
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары
Коты,крысы и собаки поменьше шли в расход .
Охота это в крови у людей