U Novaj Ziełandyi chacieli zładzić dziciačy turnir pa adstrele biazdomnych katoŭ, ale ŭrešcie ŭsio admianili
U papiarednija hady padobnyja palavańni vialisia na dzikich śviniej i zajcoŭ.
U Novaj Ziełandyi chacieli zładzić dziciačaje palavańnie na biazdomnych katoŭ z uznaharodaj za kolkaść zabojstvaŭ. Turnir u vyniku admianili z-za dzikaha abureńnia zoaabaroncaŭ.
Pra heta napisała ahienctva Bi-bi-si.
Mierapryjemstva pieršapačatkova było arhanizavana supolnaściu «North Canterbury Hunting Competition» («Paŭnočna-Kienterbieryjskaje spabornictva pa palavańni») u ramkach štohadovaha zboru srodkaŭ dla patreb adnoj ź miascovych škoł. U hetych spabornictvach zvyčajna biaruć udzieł sotni dziaciej va ŭzroście da 14 hadoŭ.
Jak adznačaje ahienctva, u papiarednija hady padobnyja palavańni vialisia na dzikich śviniej, aleniaŭ i zajcoŭ. Ale ŭ hety raz razmova pajšła ab biazdomnych katach, za zabojstva jakich maleńkim dzieciam była navat praduhledžana hrašovaja ŭznaharoda.
«Dzieciam zahadali nie zabivać chatnich žyvioł, ale ŭ inšym vypadku ich zaachvočvali zabivać jak maha bolš dzikich katoŭ za hrašovy pryz. Dzicia, jakoje b zabiła padčas konkursu bolšuju kolkaść katoŭ, atrymała b u jakaści ŭznaharody 155 dalaraŭ», — piša Bi-bi-si.
Arhanizatary mierapryjemstva i niekatoryja miascovyja žychary tłumačyli nieabchodnaść adstrelvać biazdomnych katoŭ tym, što jany pieranosiać surjoznyja infiekcyi i niasuć pahrozu bijaraznastajnaści ŭ Novaj Ziełandyi.
Pavodle aficyjnych krynic, dzikija katy kožny hod źniščajuć bolš za miljon miascovych ptušak i zvyš 10 miljonaŭ inšaziemnych ptušak. Jany taksama majuć dačynieńnie da masavaha źniknieńnia kažanoŭ, jaščarak i žab. Akramia hetaha, biazdomnyja katy stanoviacca raznosčykami taksapłazmoza — surjoznaha zachvorvańnia, jakoje naŭprost pahražaje aviečkahadoŭli ŭ krainie.
Adnak rašeńnie ab praviadzieńni masavaha dziciačaha palavańnia na biazdomnych katoŭ vyklikała surjoznuju zaniepakojenaść i asudžeńnie z boku zoaabarončych arhanizacyj. Na ich dumku, heta ŭkaranić u dzieciach imknieńnie pryčyniać hvałt u dačynieńni da lubych žyvioł, i asabliva da chatnich.
«Mnohija dzieci nie zmohuć adroźnić dzikaha kata ad napałochanaha i ni ŭ čym nie vinavataha chatniaha. My pavinny vučyć našych dziaciej empatyi da žyvioł, a nie davać im instrumienty dla ich zabojstva», — zajaviŭ pres-sakratar Safe, miascovaj dabračynnaj arhanizacyi pa abaronie žyvioł.
U vyniku padobnych zvarotaŭ zoaabaroncaŭ, arhanizatary turniru pa palavańni byli vymušany admianić mierapryjemstva. Jany aficyjna paprasili prabačeńnia ŭ tych, kaho padobnaja inicyjatyva mahła zakranuć za žyvoje.
Ciapier čytajuć
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ4
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary
Koty,krysy i sobaki pomieńšie šli v raschod .
Ochota eto v krovi u ludiej