Венгрыя лабіруе інтарэсы Беларусі ў ЕС — пасол Беларусі ў Венгрыі
У Беларусі па-ранейшаму шмат сяброў у Еўропе, лічыць пасол Беларусі ў Венгрыі Уладзімір Улаховіч.
Паводле дыпламата, аднавіла работу беларуска-венгерская міжурадавая камісія, і «гэта вельмі рэзанансная падзея».
Новая тэма — гэта ўзаемадзеянне ў энергетычнай атамнай сферы паміж Венгрыяй і Беларуссю. «Нашы венгерскія партнёры вельмі годна і высока цэняць вопыт, які Беларусь мае сёння з нашай атамнай станцыяй», — кажа Улаховіч.
Паводле яго, Венгрыя, якая павінна падтрымліваць санкцыйны рэжым краін ЕС, «умудраецца знаходзіць пункты судакранання і супрацоўнічаць з Беларуссю».
«Для нас самае адчувальнае — гэта страты ў нашым экспартным партфелі. Яны тычацца санкцыйнай прадукцыі: гэта мінеральныя ўгнаенні, якія сюды пастаўляліся, дрэваапрацоўка. Дарэчы, па дрэваапрацоўцы нашы венгерскія партнёры зʼяўляюцца своеасаблівымі лабістамі для таго, каб хаця б прабіць квоты па пелетах, якія вельмі запатрабаваныя на еўрапейскім рынку», — кажа Уладзімір Улаховіч.
Ён сцвярджае, што «нягледзячы ні на што, у Еўропе па-ранейшаму шмат сяброў. І да нашай краіны ставяцца з вялікай сімпатыяй і павагай».
Беларускага Сінюю Бараду адпусцілі з расійскай турмы паміраць дома6
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары