Грамадства33

«Калі гэтыя людзі напісалі мне пра ўмовы, у якіх будзе жыць Эрык, я пашкадавала, што я не Эрык». Што цяпер з сабакам палітзняволенай Насты Лойкі

У вядомай праваабаронцы Насты Лойкі, цяпер зняволенай рэжымам Лукашэнкі, дома застаўся вялікі сабака Эрык, якога яна ўзяла ў свой час з прытулку. Калі з яго гаспадыняй здарылася бяда, за ратаванне Эрыка ўзяліся сябры Насты, піша тэлеграм-канал «Тётя Ира разрешила».

Эрык цяпер жыве ў Чэхіі, у мясцовасці Ходска на памежжы з Баварыяй. А яго новая часовая гаспадыня — беларуска Ганка Барадзіна. Сабака добра адаптаваўся, «дапамагае пагладзіць, пакарміць і не парушаць правілаў сабачай ветлівасці».

Наста Лойка пакінула для новых сяброў сабакі інструкцыю з пералікам карысных кніг і кантактаў спецыялістаў, што працавалі з Эрыкам. Сярод іншага там былі пералічаныя і яго правы: «Права на сон, на адпачынак, на ежу, на дапамогу, на камунікацыю са сваімі сародзічамі, на справядлівы догляд». Усе гэтыя правы непарушна забяспечваюцца.

Новае месца жыхарства для Эрыка пасля таго, як стала зразумела, што гаспадыня можа вярнуцца не хутка, знайсці было няпроста. Аб’яву, што сабака шукае новых гаспадароў, размясцілі ў сацсетках, але прапанаваць патрэбную дапамогу амаль ніхто не мог. Пакуль аднаго дня не прыйшло паведамленне з Чэхіі.

«Калі гэтыя людзі напісалі мне пра ўмовы, у якіх будзе жыць Эрык, я пашкадавала, што я не Эрык, —

прызналася сяброўка Насты Лойкі Ірына Арахоўская, якая займалася ўладкаваннем сабакі. — Там прыватны дом, побач ёсць лес, рэчка і поле. Я вельмі баялася, што яны адмовяцца ці нешта пойдзе не так, бо яны выглядалі найлепшымі кандыдатамі. І вельмі шчаслівая, што ўсё склалася». 

Ганка Барадзіна расказала, што пост пра Эрыка яны ўбачылі ў сацсетках і спачатку прапанавалі сваю дапамогу, як план «Б» — спадзяваліся, што знойдзецца нехта бліжэй.

«Але доўга ніхто не знаходзіўся і мы вырашылі: калі можам быць планам «Б», то справімся і стаць планам «А».

Урэшце яна сама паехала па сабаку ў Варшаву.

«Рэч не ў тым, што мы шукалі сабаку. Гэта выпадак, калі рэальна можам дапамагчы. У нас тут проста санаторый дамашні для сабакі. Куды ні пайдзі — лес, возера, прырода — ідэальнае месца».

Галоўнае, што сабака прыжыўся, а новыя гаспадары яго вельмі любяць. І іх пачуцці ўзаемныя.

Каментары3

  • Менскі
    08.03.2023
    Хоць адна прыемная навіна за сёння. А то тут той дзед увесь эфір сваімі псіхамі заняў
  • Жыве Беларусь
    08.03.2023
    Навіна насамрэч добрая,але што лукашэнка стаў псіхам таксама добра
  • **
    08.03.2023
    стаў? ён не пераставаў ім быць. і нічога добрага тут няма, акром благога. яго псіхозы пераўтвараюцца ў жыццё. мы жывем у гэтым жудасным псіхозе

Цяпер чытаюць

Кіраўнік Ліды заклікаў сілавікоў не спыняць палітычныя рэпрэсіі

Кіраўнік Ліды заклікаў сілавікоў не спыняць палітычныя рэпрэсіі

Усе навіны →
Усе навіны

«Вада з другога паверха топіць першы і трапляе ў ліфты». Адзін з дамоў у «Мінск-Свеце» зноў паплыў3

Аўтобус і мікрааўтобус сутыкнуліся ў Бярозаўскім раёне: 15 чалавек пацярпелі

«Частку сваякоў я адсеяла». Гамяльчанка, якая жыве ў Адэсе, распавяла пра адаптацыю да абстрэлаў, украінскую мову і свой блог8

Трамп заявіў, што ракеты для Patriot ужо адпраўлены ва Украіну1

У Брэсце перад 3 ліпеня былі масавыя «прэвентыўныя» затрыманні

«Віза не прызначаная для турызму». Беларуса дэпартавалі з Польшчы за «нямэтавую» паездку ў Чэхію8

У Беларусь праездам з Еўропы зазірнуў прэзідэнт Інданезіі1

Сямігадовы хлопчык назбіраў амаль 2 тысячы рублёў за год. На што пойдуць грошы?2

Пуцін адхіліць ультыматум Трампа і рыхтуецца да новай эскалацыі ва Украіне5

больш чытаных навін
больш лайканых навін

Кіраўнік Ліды заклікаў сілавікоў не спыняць палітычныя рэпрэсіі

Кіраўнік Ліды заклікаў сілавікоў не спыняць палітычныя рэпрэсіі

Галоўнае
Усе навіны →

Заўвага:

 

 

 

 

Закрыць Паведаміць