Футбаліст, які запісаў відэа супраць гвалту ў 2020 годзе, даў «пакаяннае інтэрв'ю»
У 2020 годзе Анатоль Макараў зняўся ў відэа супраць гвалту. А ў 2023 годзе паўабаронца «Тарпеда-БелАЗ» даў «пакаяннае» інтэрв'ю «Мінскай праўдзе».
«Мне сказалі прамовіць на камеру пару слоў, і я пагадзіўся, — згадвае ён падзеі 2020 года.
«У той час я гуляў за іншы клуб, быў засяроджаны на спорце і не асабліва цікавіўся палітыкай, не разумеў да канца тую сітуацыю, якая склалася ў нашай краіне ў дваццатым годзе. Меркаванне пра тое, што ў нас усё дрэнна ў краіне і пра гэта трэба казаць, настойліва навязвалі дэструктыўныя каналы і старэйшыя таварышы па камандзе, — дзеліцца футбаліст. — Я памылкова лічыў, што яны разумнейшыя, мудрэйшыя, валодаюць аб'ектыўнай інфармацыяй. На той момант я не задаваўся пытаннямі: адкуль яны бяруць гэтую інфармацыю, для чаго яна. Хлопцы былі ўпэўненыя ў неабходнасці відэа, і я пагадзіўся. Як усе, так і я».
Футбаліст кажа, што вельмі шкадуе аб тым выпадку, кажа, што стаў пешкай у інфармацыйнай вайне.
«У Беларусі сфера спорту фінансуецца больш чым дастаткова. У нас годныя заробкі, добрыя ўмовы трэніроўкі, забеспячэнне. Добрая дапамога, каб займацца любімай справай і мець магчымасць зарабіць. За гэта я ўдзячны нашаму кіраўніцтву і Міністэрству спорту і турызму», — рэзюмуе ён.
Выданне падкрэслівае, што сёння ў Анатоля ў планах стварыць сям'ю, пабудаваць дом і прадстаўляць сваю каманду не толькі на нацыянальным першынстве, але і краіну на міжнароднай арэне.
Раней паведамлялася, што Мінспорта можа забараніць працаваць у Беларусі 49 футбалістам. Большасць футбалістаў зняліся ў відэа з заклікам спыніць гвалт сілавікоў супраць пратэстоўцаў. Адным з тых, хто зняўся, быў Анатоль Макараў.
Цяпер чытаюць
Арыштаваны сенатар Карпіцкі, галоўны доктар Брэсцкай абласной бальніцы14
Каментары
https://d2accbiqacj5y8.cloudfront.net/307501
А не грабіць насельніцтва і не прадае краіну пуцену заганяя яе ў даўгі