Кончыкі лістоў вашых хатніх кветак жаўцеюць, чарнеюць і адсыхаюць? Што гэта значыць і як з гэтым змагацца? Магчыма, адказ больш просты, чым вам здаецца.
Каб як мага даўжэй радавацца здароваму выгляду хатніх раслін, трэба забяспечыць ім правільныя ўмовы. Натуральным асяроддзем для большасці відаў, якія цяпер вырошчваюць у вазонах, з’яўляюцца тропікі. Гэта клімат, дзе шмат цяпла і высокая вільготнасць, расказвае onet.pl.
Але і ў нашых кватэрах такім раслінам, як манстэра, спаціфлора і да іх падобным, можа быць камфортна, і дабіцца гэтага няцяжка. Проста звяртайце ўвагу на выпадкі, калі кончыкі лістоў на раслінах робяцца карычневымі і сухімі.
Аптымальная вільготнасць для памяшканняў складае ад 40 да 60% пры тэмпературы 20-22 градусы Цэльсія. Занадта сухое паветра можа выклікаць адчуванне сухасці слізістых абалонак, кашаль і галаўны боль. Не толькі чалавеку, але і пераважнай большасці раслін (нават сукулентам) патрэбная вільготнасць не ніжэйшая за 40%. Асабліва не любяць сухое паветра наступныя віды: спаціфлора, травяністыя расліны, фітонія, пілея і алаказія. Калі гэтым і іншым раслінам не хапае вільготнасці ў паветры, гэта праяўляецца на іх наступным чынам:
- кончыкі лістоў бурэюць і сохнуць;
- лісты пачынаюць скручвацца і зморшчвацца;
- расліна пачынае скідваць лісты;
- на лістах з’яўляюцца дробныя кляшчы — павуцінныя (выглядаюць як белы налёт).
Усё гэта значыць, што расліна апынулася ва ўмовах, што ёй не падыходзяць, і спрабуе прадухіліць страту вады.
Найлепшы спосаб абараніць свае кветкі ад высыхання — набыць увільгатняльнік паветра. На рынку цяпер вельмі шмат такіх дэвайсаў, таму вы зможаце падабраць увільгатняльнік пад патрэбы раслін у канкрэтным памяшканні і пад даступны бюджэт, бо найтаннейшыя з іх можна набыць усяго за 20-30 рублёў.
Яшчэ адзін эфектыўны спосаб — апырскванне лісця вадой (пажадана, каб яна была мяккая). Шмат якім раслінам падабаецца апырскванне, але не ўсім, таму перад тым, як рабіць кветкам гэтую працэдуру, лепш праверце ў інтэрнэце, як яе ўспрымаюць канкрэтныя віды раслін.
Проста запаліце лаўровы ліст і пачакайце пару хвілінаў. Эфект вас уразіць
Хочаце вырасціць дома расліну, але вы далёкія ад гэтага? Вам дапамогуць сукуленты
«Бансай прыйшлося закапаць на лецішчы ў бацькоў». Як беларусы з’язджалі за мяжу без любімых раслін
Цяпер чытаюць
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе5
Каментары