Асабістыя рэчы Брыжыт Бардо прадалі на аўкцыёне ў Парыжы амаль за мільён еўра
Аўкцыён асабістых рэчаў французскай актрысы Брыжыт Бардо, які прайшоў у Парыжы, прынёс амаль 1 мільён еўра. Гэта амаль у 20 разоў больш за папярэднюю ацэначную вартасць усіх лотаў, якая складала каля 50 тысяч еўра, піша The Guardian.
На продаж выставілі 285 прадметаў з дамоў актрысы ў Сен-Трапэ і Парыжы. Сярод іх былі адзенне, аксэсуары, мэбля, аўтапартрэты і музычныя інструменты.
Найбольш дарагімі лотамі сталі два сабачыя ашыйнікі, якія купец-расіянін набыў за 9400 еўра, аўтапартрэт за 40 тысяч еўра, пішучая машынка за 4600 еўра, а таксама дзве гітары, прададзеныя адпаведна за 8600 і 1900 еўра.
Атрыманыя сродкі перададуць заснаванаму Бардо фонду абароны жывёл, а таксама яе сыну Нікаля-Жаку Шар’е. Кіраўніца фонду Жыслэн Кальмельс заявіла, што гэты аўкцыён стаў працягам распродажу, які сама актрыса арганізавала яшчэ ў 1987 годзе. Тады Бардо прадала свае найбольш каштоўныя рэчы, каб заснаваць фонд. Паводле яе слоў, цяпер барацьба актрысы за абарону жывёл працягваецца дзякуючы новаму аўкцыёну.
Аднак муж Брыжыт Бардо Бернар д’Армаль раскрытыкаваў распродаж. Ён назваў яго непавагай да памяці актрысы і заявіў у інтэрв’ю агенцтву AFP, што асабістыя рэчы Бардо трэба было захаваць як частку яе спадчыны. Паводле яго слоў, сама актрыса не пагадзілася б на такі продаж.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2929
Каментары