Невядомую публіцы карціну Манэ ўпершыню выставяць на аўкцыён. Чакаецца рэкордная цана
Карціну французскага мастака Клода Манэ «Ірысы» плануюць прадаць на аўкцыёне Sotheby’s у Францыі 22 кастрычніка. Яе папярэдне ацэньваюць на 22—30 мільёнаў еўра, піша Bloomberg.
Манэ напісаў гэтую работу ў 1924—1925 гадах у сваім доме ў Жыверні пад Парыжам. Там жа ён стварыў знакамітую серыю карцін «Вадзяныя лілеі». «Ірысы» лічацца адным з шэдэўраў позняга перыяду творчасці мастака.
У Sotheby’s адзначылі, што карціна ніколі раней не выстаўлялася на публіцы. Яе ўладальніца Жанна Шлюмбержэ адмаўлялася перадаваць твор для выстаў і захоўвала яго ў сваёй прыватнай парыжскай рэзідэнцыі.
Дзякуючы гэтаму карціна захавалася ў выдатным стане. На палатне няма лаку, а рэстаўрацыю ніколі не праводзілі, што з'яўляецца рэдкасцю для твора такога ўзроўню.
Кошт продажу можа дасягнуць 30 мільёнаў еўра і стаць рэкордным для Францыі. Дагэтуль самая дарагая карціна Манэ з серыі «Ірысы» была прададзеная на лонданскім аўкцыёне ў 2015 годзе прыкладна за 13 мільёнаў еўра.
Агульны рэкорд цаны карціны Манэ складае каля 96 мільёнаў еўра. Менавіта за такую суму ў 2019 годзе на аўкцыёне Sotheby’s у Нью-Ёрку прадалі ягоную працу «Стагі сена».
Мінскі гадзіннікавы завод прадставіў новую калекцыю ў стылі Клода Манэ
Манэ і не снілася. У дэндрасадзе каля Нарачы можна пабачыць сажалку з гарлачыкамі і больш за 500 раслін
У Нацыянальным мастацкім музеі закрываюць выставу Шагала
У Францыі зноў абвастрылася спрэчка вакол карціны Марка Шагала пад столлю Парыжскай оперы
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3030
Каментары