Умяшаліся ідэолагі — наданне імя Адама Мальдзіса бібліятэцы ў Астраўцы зноў пад пытаннем
Гродзенскі аблвыканкам прыпыніў рашэнне Астравецкага райвыканкама ад наданні раённай бібліятэцы імя Адама Мальдзіса.
Рашэнне змясціла ў сваім тэлеграм-канале праўладная актывістка Вольга Бондарава.
Яна падзякавала за «падтрымку» ўсім аднадумцам, якія выступілі супраць перайменавання.
Інфармацыя пра тое, што Астравецкай раённай бібліятэцы нададзенае імя знакамітага ўраджэнца раёна прафесара Адама Мальдзіса, з'явілася на пачатку ліпеня. Тады абурыліся праўладныя тэлеграм-каналы і тая ж Вольга Бондарава. Яны сталі пратэставаць супраць такога рашэння, называючы Мальдзіса паланафілам і калабарантам.
Прычым першапачаткова ўпраўленне культуры Гродзенскага аблвыканкама заяўляла, што рашэнне аб наданні імя Мальдзіса бібліятэцы адмяняцца не будзе, не будуць толькі вешаць памятную шыльду.
Каментары