Вядомыя тавары для гігіены і бытавой хіміі падаражэюць у Расіі у сярэднім на 40%. У Беларусі таксама падаражэюць
Буйны вытворца бытавой хіміі і тавараў для гігіены Procter & Gamble (Ariel, Fairy, Pampers, Gillette) павышае адпускныя цэны ў сярэднім на 40%, што тлумачыцца падаражэннем лагістыкі, матэрыялаў і дэвальвацыяй расійскага рубля.
Кампанія пастаўляла частку прадукцыі ў РФ з Польшчы, таму цяпер ёй даводзіцца радыкальна перабудоўваць лагістыку, што непазбежна павялічвае сабекошт.
Пральныя сродкі падаражэюць у межах 30%, мыйныя сродкі — на 26%, тавары дзіцячай гігіены — на 47%, жаночай — на 33%.
У той жа час абодва расійскія заводы Procter&Gamble працягваюць працу, аднак кампанія абвясціла аб прыпыненні інвестыцый у расійскі бізнэс і мае намер скараціць выдаткі на маркетынг і прома. Гаворка ідзе пра брэнды Ariel, Tide, Lenor, Fairy, Always, Gillette, Pantene, Blend-a-med ды іншыя.
Аналагічнага павышэння цэн варта чакаць і ў Беларусі.
Цяпер чытаюць
Колькі беларусаў атрымалі польскае грамадзянства за апошні час. Лічбы ўражваюць41
Каментары