«Жудасная бездапаможнасць». У зняволенай журналісткі «Тутбай» Вольгі Лойкі памёр бацька, а сястра прайшла цяжкое лячэнне
Галоўны рэдактар палітыка-эканамічнага блока «Тутбай» Вольга Лойка ў лісце на волю распавяла, што падчас зняволення ў яе памёр бацька, а сястра прайшла цяжкое лячэнне. Вольга знаходзіцца за кратамі з 18 мая, калі сілавікі прыйшлі ў офіс партала і ў кватэры супрацоўнікаў. Тады былі арыштаваныя 15 чалавек, разам з галоўным рэдактарам Марынай Золатавай, журналісткай Аленай Таўкачовай і гендырэктарам Людмілай Чэкінай.
«Вельмі разумею ваш боль. У мяне, пакуль я тут, памёр бацька, а старшая сястра прайшла вельмі складанае лячэнне, якое расцягнулася на 8,5 месяца. І кожны дзень, кожны ліст — на нервах, на вечным пачуцці віны, што ўжо не нагнаць. І гэтая жудасная бездапаможнасць, немагчымасць не тое што дапамагчы, але нават нармальна падтрымаць.
Так, нават у страшныя часы магчымы і аптымізм, і гумар. А без іх ніяк. Жыццё працягваецца, а смутак — смяротны грэх. Значыць, трэба трываць. Не памятаю, ці цытавала вам перачытанага тут залпам «Графа Монтэ-Крыста», самую канцоўку: «Уся чалавечая мудрасць заключаная ў двух словах: чакаць і спадзявацца». І верыць, вядома. Сіл і мудрасці!»
За кратамі Вольга знаходзіцца ўжо больш за восем месяцаў.
Падтрымаць яе лістамі можна па адрасе: СІЗА-1, 220030, г. Мінск, вул. Валадарскага, 2 (Вольга Антонаўна Лойка).
Чытайце таксама:
Тры надзейныя спосабы падтрымаць вязняў — раяць жонкі і мужы зняволеных
«Захоўваць жалезны спакой» — Скурко з турмы
«Дабранач кажам па-турэцку». Ягор Марціновіч расказаў пра побыт за кратамі
«Ноччу ты заўсёды дома». Зняволены журналіст Алег Груздзіловіч напісаў, чаму вязні не любяць раніцу
Цяпер чытаюць
Новы Нюрнберг. Еўропа стварае Спецтрыбунал па вайне ва Украіне — ці змогуць асудзіць Лукашэнку?7
Каментары