Кіраўніца гродзенскага дзіцячага хоспіса Вольга Вялічка паведаміла, што на патрабаванне беларускіх сілавікоў яе дадалі ў спіс асобаў, якіх шукае Інтэрпал.
«Я ў спісах Інтэрпала. Так-так, разам з тэрарыстамі, наркагандлярамі ды іншымі. Такое вось прызнанне», — напісала яна ў фэйсбуку.
У снежні мінулага года на Вольгу Вялічку завялі крымінальную справу (ч. 3 арт. 210 Крымінальнага кодэкса), яе падазраюць у злоўжыванні спонсарскай дапамогай.
У 2007-м Вольга стварыла і ўзначаліла дзіцячы хоспіс. У разгар пандэміі пры ўстанове працавала майстэрня, дзе бясплатна шылі ахоўныя касцюмы для медыкаў.
У 2020-м Вольга Вялічка была сябрам ініцыятыўнай групы Віктара Бабарыкі, незалежнай назіральніцай. Пасля выбараў разам з паплечнікамі спрабавала стварыць раду народнага даверу ў Гродне.
Восенню 2020 года разам з дзецьмі выехала з Беларусі.
Бізнэсовец родам з Бабруйска адмовіцца ад свайго гіганцкага аўстралійскага заробку дзеля шанцу атрымаць $35 мільёнаў3
Каментары