Kiraŭnica hrodzienskaha dziciačaha chośpisa Volha Vialička paviedamiła, što na patrabavańnie biełaruskich siłavikoŭ jaje dadali ŭ śpis asobaŭ, jakich šukaje Interpał.
«Ja ŭ śpisach Interpała. Tak-tak, razam z terarystami, narkahandlarami dy inšymi. Takoje voś pryznańnie», — napisała jana ŭ fejsbuku.
U śniežni minułaha hoda na Volhu Vialičku zaviali kryminalnuju spravu (č. 3 art. 210 Kryminalnaha kodeksa), jaje padazrajuć u złoŭžyvańni sponsarskaj dapamohaj.
U 2007-m Volha stvaryła i ŭznačaliła dziciačy chośpis. U razhar pandemii pry ŭstanovie pracavała majsternia, dzie biaspłatna šyli achoŭnyja kaściumy dla miedykaŭ.
U 2020-m Volha Vialička była siabram inicyjatyŭnaj hrupy Viktara Babaryki, niezaležnaj naziralnicaj. Paśla vybaraŭ razam z paplečnikami sprabavała stvaryć radu narodnaha davieru ŭ Hrodnie.
Vosieńniu 2020 hoda razam ź dziećmi vyjechała ź Biełarusi.
Ciapier čytajuć
Navukoviec raspavioŭ pra hieałahičnyja zahadki Biełarusi: rtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ
Kamientary