Журналістку Кацярыну Барысевіч асудзілі на рэальны тэрмін — 6 месяцаў калоніі. Арцём Сарокін атрымаў два гады з адтэрміноўкай
2 сакавіка суд Маскоўскага раёна Мінска агучыў вырак доктару Арцёму Сарокіну і журналістцы Кацярыне Барысевіч.
Доктара БХМД Арцёма Сарокіна і журналістку Tut.by Кацярыну Барысевіч затрымалі 19 лістапада. На думку Генпракуратуры, яны выдалі медыцынскую таямніцу аб стане Рамана Бандарэнкі, што пацягнула цяжкія наступствы, а менавіта «павышэнне напружанасці ў грамадстве і стварэнне атмасферы недаверу да кампетэнтных дзяржаўных органаў». Пакаранне — да трох гадоў пазбаўлення волі.
Справу разглядаў суд Маскоўскага раёна. Спачатку на працэс не пусцілі незалежных журналістаў, а пасля пасяджэнне ўвогуле закрылі. Пра гэта папрасіў пракурор, яго хадайніцтва задаволілі, хоць абвінавачаныя, іх абаронцы і нават мама загінулага Рамана Бандарэнкі выказаліся супраць закрыцця працэсу.
Але ж вырак агучваецца ў адкрытым рэжыме. 2 сакавіка суддзя Святлана Бандарэнка зачытала прысуд.
Кацярыну Барысевіч асудзілі на рэальны тэрмін — 6 месяцаў калоніі і штраф 2900 рублёў. На свабоду яна павінна выйсці 19 мая.
Арцёма Сарокіна прысудзілі да 2 гадоў пазбаўлення волі з адтэрміноўкай на год.
Доктара Арцёма Сарокіна ў калонію не адправілі. Ён атрымаў адтэрміноўку. Сарокіна вызвалілі ў зале суда.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары