Žurnalistku Kaciarynu Barysievič asudzili na realny termin — 6 miesiacaŭ kałonii. Arciom Sarokin atrymaŭ dva hady z adterminoŭkaj
2 sakavika sud Maskoŭskaha rajona Minska ahučyŭ vyrak doktaru Arciomu Sarokinu i žurnalistcy Kaciarynie Barysievič.

Doktara BCHMD Arcioma Sarokina i žurnalistku Tut.by Kaciarynu Barysievič zatrymali 19 listapada. Na dumku Hienprakuratury, jany vydali miedycynskuju tajamnicu ab stanie Ramana Bandarenki, što paciahnuła ciažkija nastupstvy, a mienavita «pavyšeńnie napružanaści ŭ hramadstvie i stvareńnie atmaśfiery niedavieru da kampietentnych dziaržaŭnych orhanaŭ». Pakarańnie — da troch hadoŭ pazbaŭleńnia voli.
Spravu razhladaŭ sud Maskoŭskaha rajona. Spačatku na praces nie puścili niezaležnych žurnalistaŭ, a paśla pasiadžeńnie ŭvohule zakryli. Pra heta paprasiŭ prakuror, jaho chadajnictva zadavolili, choć abvinavačanyja, ich abaroncy i navat mama zahinułaha Ramana Bandarenki vykazalisia suprać zakryćcia pracesu.
Ale ž vyrak ahučvajecca ŭ adkrytym režymie. 2 sakavika sudździa Śviatłana Bandarenka začytała prysud.
Kaciarynu Barysievič asudzili na realny termin — 6 miesiacaŭ kałonii i štraf 2900 rubloŭ. Na svabodu jana pavinna vyjści 19 maja.
Arcioma Sarokina prysudzili da 2 hadoŭ pazbaŭleńnia voli z adterminoŭkaj na hod.
Doktara Arcioma Sarokina ŭ kałoniju nie adpravili. Jon atrymaŭ adterminoŭku. Sarokina vyzvalili ŭ zale suda.

-
Prapahandysty pakazali na niekalki siekund papierku ź imionami raniej vyzvalenych palitviaźniaŭ. Što za ludzi ŭ hetym śpisie?
-
Trenierka-błohierka abraziła naviedvalnicu ŭ trenažorcy ŭ Novaj Baravoj. Ciapier skardzicca na ckavańnie
-
Biełaruski mańjak siadzić u Rasii i prydumlaje sabie novyja kryminalnyja spravy, kab nie viartacca ŭ turmu, dzie jaho katujuć
Kamientary