Тэлеграм стаў блакаваць каналы, якія распаўсюджваюць асабістыя звесткі
Пра такое рашэнне Павел Дураў, стваральнік папулярнага месенджара Тэлеграм, распавёў на сваёй старонцы.
За апошнія тыдні месенджар заблакаваў некалькі каналаў, якія выкладвалі ў публічны доступ тэлефонныя нумары і адрасы ўдзельнікаў пратэстаў у Расіі. Разам з імі з'явіліся каналы, дзе публікуюцца хатнія адрасы і тэлефонныя нумары суддзяў, пракурораў, праваахоўнікаў, а таксама журналістаў і медыяменеджараў. У каментарах да запісаў галоўнага падобнага канала з'явіліся пагрозы і абразы.
«Падобнае выкарыстанне Telegram прама супярэчыць нашым правілам, якія забараняюць публічныя заклікі да гвалту. Прымаючы пад увагу эмацыйны напал абстаноўкі ў Расіі, мы старанна аналізавалі сітуацыю, не жадаючы нанесці шкоду паспешным рашэннем.
Аднак у сувязі з гэтымі каналамі ўжо больш за тыдзень не выходзіць экстраннае абнаўленне Telegram для iOS: яно не атрымлівае адабрэнне Apple. У выніку сёння мы прынялі рашэнне заблакаваць праблемныя каналы з асабістымі звесткамі», — гаворыцца ў заяве.
Цяпер чытаюць
Арыштаваны сенатар Карпіцкі, галоўны доктар Брэсцкай абласной бальніцы4
Каментары