Актрыса Галіна Талкачова памерла сёння, 22 кастрычніка, паведамляе Tut.by.
Ёй было 86 гадоў.
Галіна Талкачова нарадзілася ў 1934 годзе ў Мінску. У 1957-м скончыла Беларускі тэатральна-мастацкі інстытут па спецыяльнасці «акцёр драматычнага тэатра» (курс народнага артыста Беларусі Канстанціна Саннікава) і з гэтага ж года працавала ў Купалаўскім тэатры.
Сярод яе роляў Наташа («Яшчэ раз пра каханне» Радзінскага), Марыя («Святая святых» Друцэ), Насця («На дне» Горкага), Ганна Андрэеўна («Рэвізор» Гогаля), Голда («Памінальная малітва» Горына) і іншыя. На жаль, Талкачова амаль не здымалася ў кіно.
У 1990-м ёй было прысвоена званне народнай артысткі Беларусі.
Галіна Талкачова была жонкай народнага артыста Беларусі Аўгуста Мілаванава.
У жніўні 2020 года, калі большасць акцёраў Купалаўскага сышлі з тэатра, засталася ў трупе. Але ў апошнія гады не грала на сцэне па стане здароўя.
Anna Eleanor, [22.10.20 21:10]
Равітанне з Галінай Талкачовай адбудзецца ў Купалаўскім тэатры у 12:30 у суботу 24 кастрычніка.
.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос20
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары