Брытанскія лекары надрукавалі пацыенту грудную клетку на 3D-прынтары
Падчас аперацыі па выдаленні ракавай пухліны брытанскія лекары рэканструявалі хвораму грудзі з дапамогай 3D-прынтара.
71-гадоваму Пітэру Мэгзу выдалілі тры рэбры і палову грудзіны, змясціўшы замест іх пратэз.
Ракавая пухліна разраслася велічынёй з тэнісны мяч і яе выдаленне выклікала вялікія пашкоджанні грудной клеткі. Аперацыя доўжылася восем гадзін.
Звычайна ў такіх выпадках хірургі адліваюць пратэз з адмысловага медыцынскага цэменту. Але дзякуючы тэхналогіі 3D-друку лекары змаглі вырабіць для хворага індывідуальны імплантат з тытанавага сплаву.
«Трэба было выразаць пухліну, а разам з ёй выдаліць частку грудной косці і і тры рэбры», — распавядае хірург-кардыёлаг Айра Голдсміт.
«Гэта пагражала сур'ёзнымі пашкоджаннямі, здольнымі парушыць працу ўсёй грудной клеткі, рэканструяваць якую было б вельмі складана», — дадаў доктар.
Але ў пацыента былі і іншыя праблемы, у тым ліку з сэрцам. Таму аперацыю неабходна было скончыць як мага хутчэй.
Аперацыя прайшла паспяхова, пацыент кажа, што адчувае сябе добра.
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары